നിവിന് പോളി, ആസിഫ് അലി എന്നിവരെ കേന്ദ്ര കഥാപാത്രങ്ങളാക്കി എബ്രിഡ് ഷൈന് തിരക്കഥയെഴുതി സംവിധാനം ചെയ്യുന്ന “മഹാവീര്യര്” ചിത്രത്തിന്റെ ഷൂട്ടിംഗ് പൂര്ത്തിയായി. കോവിഡ് മഹാമാരിക്കിടെ ഒട്ടേറെ വെല്ലുവിളികള് നേരിട്ടാണ് ചിത്രത്തിന്റെ ഷൂട്ടിംഗ് പൂര്ത്തിയാക്കാനായത് എന്നാണ് നിവിന് പോളി സോഷ്യല് മീഡിയയില് കുറിച്ചത്.
കന്നഡ നടി ഷാന്വി ശ്രീവാസ്തവ ആണ് ചിത്രത്തില് നായിക. ലാല്, സിദ്ദിഖ്, ലാലു അലക്സ്, വിജയ് മേനോന്, കൃഷ്ണ പ്രസാദ്, മേജര് രവി, സുധീര് കരമന, മല്ലിക സുകുമാരന്, പദ്മരാജന് എന്നിവരെ കൂടാതെ മറ്റു പ്രമുഖ താരങ്ങളും മഹാവീര്യറില് അണിനിരക്കുന്നു. എം മുകുന്ദന്റെയാണ് കഥ.
പോളി ജൂനിയറിന്റെ ബാനറില് നിവിന് പോളിയും ഇന്ത്യന് മൂവി മേക്കേഴ്സിന്റെ ബാനറില് ഷംനാസും ചേര്ന്നാണ് ചിത്രം നിര്മ്മിക്കുന്നത്. ചന്ദ്രമോഹന് സെല്വരാജ് ഛായാഗ്രഹണവും ഇഷാന് ചാബ്ര സംഗീതവും ഒരുക്കുന്നു. കലാസംവിധാനം-അനീസ് നാടോടി, മേക്കപ്പ്-ലിബിന് മോഹനന്.
വസ്ത്രാലങ്കാരം ചന്ദ്രകാന്തും മെല്വിനും ചേര്ന്ന് നിര്വഹിക്കുന്നു. നിര്മ്മാണ നിര്വഹണം-എല് ബി ശ്യം ലാല്, എഡിറ്റിംഗ്-മനോജ്, ശബ്ദ നിര്വഹണം-സൗണ്ട് ഫാക്ടറി, ചീഫ് അസ്സോസിയേറ്റ് ഡയറക്ടര്-ബേബി പണിക്കര് എന്നിവര് നിര്വഹിക്കുന്നു.