സംഗീത സംവിധായകന് എ ആര് റഹ്മാനും ഭാര്യ സൈറ ബാനുവും വിവാഹബന്ധം വേര്പ്പെടുത്തുകയാണെന്ന വാര്ത്ത ഞെട്ടലോടെയാണ് എല്ലാവരും കേട്ടത്. 29 വര്ഷത്തോളം നീണ്ട ദാമ്പത്യജീവിതം ഇരുവരും അവസാനിപ്പിക്കുകയാണെന്ന വാര്ത്ത ചൊവ്വാഴ്ചയാണ് പുറത്തുവന്നത്. സൈറ ബാനുവിന്റെ സഹോദരിയുടെ ഭര്ത്താവും നടനുമായ റഹ്മാന് മുന്പ് താരദമ്പതിമാരുടെ ഹണിമൂണിനെ കുറിച്ച് സംസാരിച്ച വാക്കുകള് വൈറല് ആവുകയാണിപ്പോള്.
‘അദ്ദേഹം എന്നെക്കാള് ആത്മീയനാണ്, ഞാനും അദ്ദേഹവും തമ്മില് ഒരുപാട് വ്യത്യാസങ്ങളുണ്ട്. ഞങ്ങള് എല്ലാ കാര്യത്തിനും വിപരീത ധ്രുവങ്ങളായിരിക്കും. അദ്ദേഹം വളരെ ശാന്തനാണ്. എപ്പോഴും തന്റെ തൊഴിലില് സമര്പ്പിതനാണ്. സംഗീതത്തില് ചുറ്റിപ്പറ്റിയാണ് റഹ്മാന്റെ ജീവിതം. വിവാഹം കഴിഞ്ഞ ഉടനെ ഹണിമൂണിന് പോയപ്പോള് പുള്ളി ചെയ്ത കാര്യം ഞാന് ഇപ്പോഴും ഓര്ക്കുന്നുണ്ട്.’
‘എ ആര് റഹ്മാനും സൈറ ബാനും വിവാഹം കഴിഞ്ഞ് അധികം വൈകാതെ ഹണിമൂണിനായി പോയി. മലമുകളിലുള്ള ഒരു സ്ഥലത്തേക്കാണ് ഇരുവരും പോയത്. അന്ന് രാത്രി അവരുടെ സുഖവിവരം അറിയാന് ഞങ്ങള് വിളിച്ചപ്പോള് ചേച്ചി ഉറങ്ങാന് കിടന്നുവെന്നാണ് പറഞ്ഞത്.’
‘അപ്പോള് റഹ്മാന് എവിടെ പോയെന്ന് ചോദിച്ചപ്പോള് അതേ കുറിച്ച് തനിക്കറിയില്ലെന്നാണ് ചേച്ചി പറഞ്ഞത്. പിന്നീട് റഹ്മാനെ അന്വേഷിച്ച് ചെന്നപ്പോഴാണ് മറ്റൊരു മുറിയിലിരുന്ന് എആര് റഹ്മാന് സിനിമയ്ക്ക് വേണ്ടി സംഗീതമൊരുക്കുകയാണെന്ന് അറിഞ്ഞത്’ നടന് റഹ്മാന് പറഞ്ഞു.