ഇന്ത്യന് സന്ദര്ശനത്തിനു എത്തിയ ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവിനു ഒപ്പമുള്ള ബോളിവുഡ് താരങ്ങളുടെ സെല്ഫി വൈറലായി. ഹിന്ദി സിനിമാ കൂട്ടായ്മ സംഘടിപ്പിച്ച പരിപാടിയില് പങ്കെടുക്കാന് എത്തിയതായിരുന്നു ബെഞ്ചമിന് നെതന്യാഹു. കഴിഞ്ഞ ദിവസം മുബൈയിലെത്തിയ നെതന്യാഹുവിനെ അമിതാഭ് ബച്ചനാണ് പരിപാടിയിലേക്ക് സ്വാഗതം ചെയ്തു. ബോളിവുഡിനെ ലോകം മുഴുവന് ഇഷ്ടപ്പെടുന്നു, ഇസ്രായേലും ബോളിവുഡിനെ ഇഷ്ടപ്പെടുന്നു,ഞാനും ബോളിവുഡിനെ ഇഷ്ടപ്പെടുന്നു എന്നു നെതന്യാഹു പറഞ്ഞു.
ലോകത്തിനു മുന്നില് ഇസ്രായേലിന്റെ പ്രകൃതി സൗന്ദര്യം ബോളിവുഡ് സിനിമയിലൂടെ അവതരിപ്പിച്ചത് തങ്ങളുടെ രാജ്യത്തെ വിനോദസഞ്ചാര മേഖലയ്ക്കു ഉണര്വു പകര്ന്നു. ഞാന് ഇന്ത്യന് ഭക്ഷണത്തെ ഇഷ്ടപ്പെടുന്നവെന്നും അദ്ദേഹം കൂട്ടിച്ചേര്ത്തു. നെത്യാഹുവിന്റെ കൂടെ ഭാര്യയുമുണ്ടായിരുന്നു.
ചടങ്ങില് അഭിഷേക് ബച്ചനു പുറമെ എശ്വര്യ റായ്, കരണ് ജോഹര്, സുഭാഷ് ഘായ്, ഇംതിയാസ് അലി, പര്സൂണ് ജോഷി,രന്ദീര് കപൂര്, വിവേക് ഒബ്റോയ്, സാറാ അലിഖാന് എന്നീ താരനിരയും ചടങ്ങില് പങ്കെടുത്തിരുന്നു. ഈ ചിത്രം നെതന്യാഹു തന്നെ സാമൂഹിക മാധ്യമങ്ങളില് പങ്കുവച്ചു. ഇതിനു താഴെ പതിവിനു വിപീരതമായി ഹിന്ദിയിലാണ് അടിക്കുറപ്പ് അദ്ദേഹം നല്കിയിരിക്കുന്നത്.