വിവാഹമോചനത്തിന് ഒരുങ്ങി നടി ഊര്മിള മാതോന്ദ്കര്. എട്ട് വര്ഷത്തെ ദാമ്പത്യത്തിന് ശേഷമാണ് ഭര്ത്താവ് മൊഹ്സിന് അക്തര് മിറുമായി വേര്പിരിയാന് ഒരുങ്ങുന്നത്. ബാന്ദ്രയിലെ കോടതിയില് ഊര്മിള വിവാഹമോചനത്തിന് അപേക്ഷ നല്കിയതായി നടിയോട് അടുത്തവൃത്തങ്ങള് വ്യക്തമാക്കി.
മ്യൂച്ചല് ഡിവോഴ്സ് അല്ലെന്നും നാല് മാസം മുമ്പാണ് അപേക്ഷ ഫയല് ചെയ്തതെന്നും റിപ്പോര്ട്ടുണ്ട്. എന്നാല്, വേര്പിരിയലുമായി ബന്ധപ്പെട്ട് ഇതുവരെ ഊര്മിളയോ മൊഹ്സിന് അക്തറോ ഇതുവരെ പ്രതികരിച്ചിട്ടില്ല. 2016 ലാണ് ഊര്മിള വിവാഹിതയായത്.
ഊര്മിളയേക്കാള് 10 വയസ് പ്രായം കുറവാണ് കശ്മീരി മോഡലും ബിസിനസുകാരനുമായ മൊഹ്സിന് അക്തര് മിററിന്. ഇരുവരുടെയും സുഹൃത്തും സെലിബ്രിറ്റി ഡിസൈനറുമായ മനീഷ് മല്ഹോത്ര വഴിയാണ് ഊര്മിളയും മൊഹ്സിനും കണ്ടുമുട്ടിയത്.
തൊണ്ണൂറുകളില് ബോളിവുഡില് തിളങ്ങിയ താരമാണ് ഉര്മിള മാതോന്ദ്കര്. രംഗീല, ധൗഡ്, ദില്ലഗി, ഖൂബ്സുരത്, ഓം ജയ് ജഗദീഷ്, ജുദായ് തുടങ്ങിയവയാണ് ഊര്മിളയുടെ ശ്രദ്ധേയ ചിത്രങ്ങള്. ചാണക്യന് എന്ന മലയാള സിനിമയൂടെയാണ് നായികയായി അരങ്ങേറ്റം കുറിച്ചത്. തച്ചോളി വര്ഗീസ് ചേകവര് എന്ന ചിത്രത്തില് മോഹന്ലാലിന്റെ നായികയായും അഭിനയിച്ചിട്ടുണ്ട്.