നടി ഉര്‍ഫി ജാവേദിനെ മുംബൈ പൊലീസ് അറസ്റ്റ് ചെയ്തതായി റിപ്പോര്‍ട്ടുകള്‍. താരത്തെ പൊലീസ് അറസ്റ്റ് ചെയ്തു കൊണ്ടു പോകുന്ന വീഡിയോയാണ് ഇപ്പോള്‍ വൈറലാകുന്നത്. തങ്ങളോടൊപ്പം സ്റ്റേഷനിലേക്ക് വരാന്‍ ഉര്‍ഫിയോട് വനിതാ പൊലീസ് ഉദ്യോഗസ്ഥര്‍ ആവശ്യപ്പെടുന്നത് വീഡിയോയില്‍ കാണാം.
എന്താണ് അറസ്റ്റ് ചെയ്യാനുള്ള കാരണം എന്ന് ചോദിക്കുമ്പോള്‍, ഇത്രയും ചെറിയ വേഷങ്ങള്‍ ധരിച്ചു കൊണ്ട് എന്തിനാണ് നടക്കുന്നത് എന്ന് പൊലീസ് ഉദ്യോഗസ്ഥര്‍ ചോദിക്കുന്നതും വീഡിയോ ദൃശ്യങ്ങളിലുണ്ട്. മുംബൈയിലെ ഒരു കോഫി ഷോപ്പില്‍ വച്ചാണ് താരത്തെ അറസ്റ്റ് ചെയ്യുന്നതായി കാണുന്നത്.
View this post on Instagram
എന്നാല്‍ ഇത് പ്രാങ്ക് വീഡിയോയാണോ?, ഏത് ചിത്രത്തിന്റെ ഷൂട്ട് ആണ് എന്നൊക്കെയാണ് സോഷ്യല്‍ മീഡിയ ചോദിക്കുന്നത്. അതേസമയം, അടുത്തിടെയായി തന്റെ ഫാഷന്‍ ചോയ്‌സുകള്‍ കാരണം ഉര്‍ഫി നിയമക്കുരുക്കിലായിരുന്നു. കഴിഞ്ഞ മാസം ബാന്ദ്ര പൊലീസ് സ്റ്റേഷനില്‍ ഉര്‍ഫിയുടെ വസ്ത്രധാരണത്തിനെതിരെ കേസ് വന്നിരുന്നു.
ഈയടുത്ത ദിവസം താരത്തിന്റെ ഹലോവീന്‍ ലുക്ക് ഏറെ ചര്‍ച്ചയായിരുന്നു. ഭൂല്‍ ഭുലയ്യ ചിത്രത്തിലെ ഛോട്ടേ പണ്ഡിറ്റ് എന്ന കഥാപാത്രത്തിന്റെ ലുക്കില്‍ എത്തിയ താരത്തിനെതിരെ വധഭീഷണികളും ബലാത്സംഗ ഭീഷണികളും എത്തിയിരുന്നു. താരം തന്നെയാണ് ഇക്കാര്യം സോഷ്യല്‍ മീഡിയയിലൂടെ പങ്കുവച്ചത്.