ദിവസവും ഗോമൂത്രം കുടിച്ചതിനാലാണ് കോവിഡ് വരാതിരുന്നത് എന്ന ബി.ജെ.പി എംപി പ്രഗ്യ സിംഗ് ഠാക്കൂറിന്റെ പ്രസ്താവനയെ പരിഹസിച്ച് നടി സ്വര ഭാസ്‌കര്‍. മനസില്‍ ചാണകം മാത്രമുള്ളവര്‍ ഇത് അല്ലാതെ മറ്റെന്ത് പറയാനാണ് എന്ന് സ്വര ചോദിക്കുന്നു.
“”ചാണകം, മൂത്രം എന്നല്ലാതെ മറ്റൊന്നിനെ കുറിച്ചും ഇവര്‍ ചിന്തിക്കാറില്ല. അല്ല തലയില്‍ ചാണകമുള്ളവര്‍ വേറെന്ത് പറയാനാണ്. അവര്‍ രാജ്യത്തെയും ചാണകമാക്കി മാറ്റും”” എന്നാണ് സ്വര ട്വീറ്റ് ചെയ്തിരിക്കുന്നത്.
ഗോമൂത്രം കുടിക്കുന്നത് ശ്വാസകോശ അണുബാധയില്‍ നിന്നും സംരക്ഷിക്കുമെന്നും കോവിഡ് വൈറസില്‍ നിന്നും രക്ഷ നേടാമെന്നും പ്രഗ്യാ സിംഗ് ഠാക്കൂര്‍ പറഞ്ഞത്. ഭോപ്പാലില്‍ ഒരു പരിപാടിക്കിടെയാണ് പ്രഗ്യാ സിംഗ് ഇക്കാര്യം പറഞ്ഞത്.
ഗോമൂത്രം കുടിക്കുന്നതിനാല്‍ താന്‍ മരുന്നൊന്നും കഴിക്കാറില്ലെന്നും എല്ലാവരും വീട്ടില്‍ പശുവിനെ വളര്‍ത്തണമെന്നും അവര്‍ ആവശ്യപ്പെട്ടു. കോവിഡിനെതിരായ ഗോമൂത്ര, ചാണക ചികിത്സ ശാസ്ത്രീയമല്ലെന്ന് ഇന്ത്യന്‍ മെഡിക്കല്‍ അസോസിയേഷന്‍ കഴിഞ്ഞ ദിവസം വ്യക്തമാക്കിയിരുന്നു.
