ഓഫീസ് കെട്ടിടം കൊവിഡ് പ്രതിരോധ പ്രവർത്തനങ്ങൾക്കായി വിട്ടുനൽകുമെന്ന് നടന്‍ ഷാരൂഖ് ഖാൻ. ക്വാറന്‍റൈൻ സൗകര്യങ്ങൾക്കായി നാലുനില ഓഫീസ് കെട്ടിടം വിട്ടുനൽകാമെന്ന് ഷാരൂഖ് ഖാനും ഭാര്യ ഗൗരിയും അറിയിച്ചു.
മുംബൈയിലെ ഓഫീസ് കെട്ടിടമാണ് കോവിഡ് പ്രതിരോധ പ്രവർത്തനങ്ങൾക്കായി വിട്ടുനൽകുന്നത്. ബ്രിഹൻ മുംബൈ മുൻസിപ്പൽ കോർപ്പറേഷനാണ് ഇക്കാര്യം അറിയിച്ചത്.
കുട്ടികൾക്കും സ്ത്രീകൾക്കും പ്രായമായവർക്കും വേണ്ടിയുള്ള ക്വാറന്‍റൈൻ സൗകര്യമാണ് ഇവിടെ ഒരുക്കുക. ഷാരൂഖിന്റെ പ്രവൃത്തിയില്‍ മുംബൈ മുനിസിപ്പല്‍ കോര്‍പ്പറേഷന്‍ നന്ദി രേഖപ്പെടുത്തിയിട്ടുണ്ട്.