ബോളിവുഡ് ഏറെ പ്രതീക്ഷയോടെ കാത്തിരിക്കുന്ന സിനിമകളില് ഒന്നാണ് ‘പത്താന്’. ചിത്രത്തിന്റെ ട്രെയ്ലര് ആണ് ഇപ്പോള് പുറത്തു വന്നിരിക്കുന്നത്. മൂന്ന് മണിക്കൂറിനുള്ളില് 4 മില്യണിന് അടുത്ത് ആളുകളാണ് ട്രെയ്ലര് കണ്ടിരിക്കുന്നത്. രാജ്യത്തെ രക്ഷിക്കുന്നതിനായി പടപൊരുതുന്ന ഉദ്യോഗസ്ഥരായാണ് ഷാരൂഖ് ഖാനും ദീപിക പദുക്കോണും ചിത്രത്തില് എത്തുന്നത്.
ജോണ് എബ്രഹാം ആണ് വില്ലന്. നാല് വര്ഷത്തെ ഇടവേളയ്ക്ക് ശേഷം എത്തുന്ന ഷാരൂഖ് ഖാന് ചിത്രം പ്രേക്ഷകരെ നിരുത്സാഹപ്പെടുത്തില്ലെന്ന് ട്രെയ്ലര് ഉറപ്പുനല്കുന്നുണ്ട്. സിദ്ധാര്ഥ് ആനന്ദ് സംവിധാനം ചെയ്ത ചിത്രം ജനുവരി 25 ന് തിയേറ്ററുകളില് എത്തും.
ഡിംപിള് കപാഡിയ, ഷാജി ചൗധരി, ഗൗതം, അഷുതോഷ് റാണ എന്നിവരാണ് മറ്റ് അഭിനേതാക്കള്. ഹിന്ദിക്ക് പുറമെ തമിഴ്, തെലുങ്ക് പതിപ്പുകളിലും പത്താന് തിയേറ്ററുകളിലെത്തും. അതേസമയം, ചിത്രത്തിന്റെതായി പുറത്തു വന്ന ഗാനം വിവാദത്തില് അകപ്പെട്ടിരുന്നു.
‘ബേശരം രംഗ്’ എന്ന ഗാനരംഗത്തില് കാവി നിറത്തിലുള്ള ബിക്കിനി അണിഞ്ഞതിന് എതിരെയാണ് സംഘപരിവാറും ഹിന്ദു സംഘടനകളും രംഗത്തെത്തിയത്. സിനിമയ്ക്കെതിരെ വ്യാപകമായി ബഹിഷ്ക്കരണാഹ്വാനങ്ങളും ഉയര്ന്നിരുന്നു. ഷാരൂഖ് ഖാനെ കൊല്ലുമെന്ന് വരെ ഭീഷണികള് ഉയര്ന്നിരുന്നു.