തന്റെ സിനിമകളില്‍ ഇനി മുതല്‍ ചുംബന-നഗ്ന രംഗങ്ങള്‍ ഉണ്ടാവില്ലെന്ന് നടന്‍ സല്‍മാന്‍ ഖാന്‍. ഒരു ദേശീയ മാധ്യമവുമായുള്ള അഭിമുഖത്തിലാണ് താരം തന്റെ നിലപാട് വ്യക്തമാക്കിയത്.
-“”ഞാന്‍ ശരിയാണോ അതോ തെറ്റാണോ ചെയ്യുന്നതെന്ന് പലപ്പോഴും അത്ഭുതപ്പെടാറുണ്ട്. കാരണം ഇന്ന് പല വിചിത്രമായ ട്രെന്‍ഡുകളും വളര്‍ന്നു വരികയാണ്. വെബ് സിനിമകളിലെയും ഇന്റര്‍നെറ്റിലെയും ഉള്ളടക്കം ഞെട്ടിക്കുന്നതാണ്. അത് കാണാന്‍ എനിക്ക് താത്പര്യമില്ല. എന്നാല്‍ ധാരാളം ആളുകള്‍ അത് കാണാനിഷ്ടപ്പെടുന്നവരാണ്. അത് രഹസ്യമായി കാണാനാഗ്രഹിക്കുന്നവരാണ് അവര്‍. അങ്ങിനെ ചെയ്യട്ടെ. പക്ഷേ എല്ലാത്തരത്തിലുള്ള പ്രേക്ഷകരും കാണുന്ന എന്റെ ചിത്രങ്ങളിലും അത്തരം രംഗങ്ങള്‍ വേണ്ടെന്നാണ് തീരുമാനം.”” സല്‍മാന്‍ പറഞ്ഞു.
ഈ വര്‍ഷം രണ്ട് റിലീസുകളാണ് സല്‍മാന്‍ ഖാന്റേതായുള്ളത്. ഈദിന് അലി അബ്ബാസ് സഫര്‍ സംവിധാനം ചെയ്യുന്ന “ഭാരതു”ം ഡിസംബറില്‍ “ഡബാംഗ് ത്രീ”യും തീയേറ്ററുകളിലെത്തും.