ആദ്യത്തെ കണ്മണിക്കായുള്ള കാത്തിരിപ്പിലാണ് ദീപിക പദുക്കോണും രണ്‍വീര്‍ സിംഗും. സെപ്റ്റംബറില്‍ തങ്ങള്‍ക്ക് കുഞ്ഞ് പിറക്കും എന്നായിരുന്നു ദീപികയും രണ്‍വീറും തങ്ങളുടെ സോഷ്യല്‍ മീഡിയ പേജിലൂടെ അറിയിച്ചത്. എന്നാല്‍ രണ്‍വീറിന് എന്താണ് സംഭവിച്ചത് എന്ന് ചോദിക്കുകയാണ് ആരാധകര്‍ ഇപ്പോള്‍.
തന്റെ വിവാഹചിത്രങ്ങള്‍ രണ്‍വീര്‍ ഇന്‍സ്റ്റഗ്രാം അക്കൗണ്ടില്‍ നിന്നും നീക്കം ചെയ്തിരിക്കുകയാണ് ഇപ്പോള്‍. ഫോട്ടോകള്‍ നീക്കം ചെയ്തതാണോ അതോ ആര്‍ക്കൈവ് ചെയ്തതാണോ എന്ന് വ്യക്തമല്ല. എന്നാല്‍ ദീപികയ്‌ക്കൊപ്പമുള്ള മറ്റ് ചിത്രങ്ങള്‍ രണ്‍വീറിന്റെ ടൈംലൈനില്‍ ഇപ്പോവുമുണ്ട്.
രണ്‍വീറിന്റെ പെട്ടെന്നുള്ള ഈ പെരുമാറ്റത്തിന് കാരണം എന്തെന്ന് അന്വേഷിക്കുകയാണ് സോഷ്യല്‍ മീഡിയയും ആരാധകരും. 2018ല്‍ ആയിരുന്നു ദീപികയുടെയും രണ്‍വീറിന്റെയും വിവാഹം. ഇക്കഴിഞ്ഞ ഫെബ്രുവരിയിലാണ് ദീപിക ഗര്‍ഭിണിയാണെന്ന വിവരം പങ്കുവച്ചത്.
അതേസമയം, ‘സിങ്കം എഗെയ്ന്‍’ എന്ന ചിത്രമാണ് ദീപികയുടെയും രണ്‍വീറിന്റെതുമായി ഒരുങ്ങി കൊണ്ടിരിക്കുന്നത്. ഗര്‍ഭിണി ആണെങ്കിലും വര്‍ക്കില്‍ കോംപ്രമൈസ് ഇല്ലെന്ന് വ്യക്തമാക്കി ദീപിക ചിത്രത്തിന്റെ ഷൂട്ടിംഗ് തുടര്‍ന്നിരുന്നു. പൊലീസ് ഓഫീസറുടെ വേഷത്തിലാണ് ചിത്രത്തില്‍ ദീപിക എത്തുന്നത്.
രോഹിത് ഷെട്ടിയുടെ കോപ് യൂണിവേഴ്‌സിലെ ആദ്യ ലേഡി ഓഫീസര്‍ ആയാണ് ദീപിക എത്തുന്നത്. ചിത്രത്തില്‍ സിംബ എന്ന കഥാപാത്രമായാണ് രണ്‍വീര്‍ വേഷമിടുന്നത്. 200 കോടി ബജറ്റില്‍ ഒരുങ്ങുന്ന ചിത്രത്തില്‍ അജയ് ദേവ്ഗണ്‍, അക്ഷയ് കുമാര്‍, കരീന കപൂര്‍, ടൈഗര്‍ ഷ്രോഫ്, അര്‍ജുന്‍ കപൂര്‍, ജാക്കി ഷ്രോഫ് തുടങ്ങി നിരവധി താരങ്ങള്‍ വേഷമിടുന്നുണ്ട്.