നെപോട്ടിസം കാരണം തനിക്ക് സിനിമകള് നഷ്ടപ്പെട്ടിട്ടുണ്ടെങ്കിലും താന് അതിനെ പിന്തുണയ്ക്കുന്നുണ്ടെന്ന് നടി രാകുല് പ്രീത് സിങ്. ബോളിവുഡിലെ നെപോട്ടിസം കാരണം സിനിമകള് നഷ്ടമായി. എങ്കിലും, താന് നെപോട്ടിസത്തെ പിന്തുണയ്ക്കുന്നുവെന്നും ഭാവിയില് താനും തന്റെ കുട്ടികളെ സഹായിക്കും എന്നാണ് രാകുല് പ്രീത് പറയുന്നത്.
തീര്ച്ചയായും, അതിന്റെ ഫലമായി നിങ്ങള്ക്ക് കയ്പേറിയ അനുഭവങ്ങള് ഉണ്ടാകാം. എന്നാല് ഇത് സിനിമാ വ്യവസായത്തിന്റെ ഭാഗമല്ലെങ്കില് അത് നിങ്ങളുടെ അവസരങ്ങള് തട്ടിയെടുക്കാം. മറ്റേതൊരു വ്യവസായത്തിലും, മെഡിക്കല് ഫീല്ഡ് പോലെയാണ് ഇത്. അതാണ് ജീവിതമെന്ന് ഞാന് കരുതുന്നു.
നിങ്ങള് ഇത് എത്രയും വേഗം മനസിലാക്കുന്നുവോ അതാണ് നിങ്ങളുടെ പുരോഗതിക്ക് നല്ലത്. നാളെ എന്റെ കുട്ടികള്ക്ക് എന്തെങ്കിലും സഹായം വേണമെങ്കില് തീര്ച്ചയായും ഞാന് അവരെ സഹായിക്കും. ഞാന് നേരിടേണ്ടി വന്ന അവസ്ഥ അവര്ക്ക് വരാന് ഞാന് അനുവദിക്കില്ല.
അതുപോലെ, സ്റ്റാര് കിഡ്സിന് എളുപ്പം സിനിമയില് എത്താന് സാധിക്കുന്നുവെങ്കില് അത് അവരുടെ മാതാപിതാക്കള് കഠിനാധ്വാനം ചെയ്തതുകൊണ്ടാണ്. അതുകൊണ്ട് നെപ്പോട്ടിസം വലിയ പ്രശ്നമായി ഞാന് ചിന്തിക്കുന്നില്ല.അത് ഒരു യാഥാര്ത്ഥ്യമാണ്, സിനിമകള് എനിക്ക് അത് മൂലം നഷ്ടമായി, പക്ഷെ അതില് എനിക്ക് ദുഖമില്ല എന്നാണ് രാകുല് പറയുന്നത്.