മൂക്കിന് നടത്തിയ ശസ്ത്രക്രിയ തന്റെ കരിയറിനെ ബാധിച്ചെന്ന് നടി പ്രിയങ്ക ചോപ്ര. ബോളിവുഡിൽ അഭിനയിച്ച് തുടങ്ങിയ കാലത്ത് ഡോക്ടറുടെ നിർദേശപ്രകാരം ശസ്ത്രക്രിയ നടത്തിയെന്നും എന്നാൽ അതിനു ശേഷം തന്റെ മുഖം മാറിപ്പോയെന്നും മൂന്ന് സിനിമകളിൽ നിന്നും ഒഴിവാക്കി എന്നും താരം പറഞ്ഞു.
നാസൽ കാവിറ്റിയിലെ പോളിപ്പ് നീക്കം ചെയ്യാൻ വേണ്ടിയായിരുന്നു ശസ്ത്രക്രിയ നടത്തിയത്. എന്നാൽ അതൊരു അതൊരു ഇരുണ്ട ഘട്ടമായിരുന്നു. എന്റെ മുഖമാകെ മാറി. ഞാൻ കടുത്ത വിഷാദത്തിലേക്ക് കടന്നു. മൂന്നു സിനിമകളില്‍ നിന്ന് എന്നെ ഒഴിവാക്കി. തുടങ്ങും മുന്‍പേ എന്റെ കരിയര്‍ അവസാനിച്ചതായി തോന്നി എന്ന് പ്രിയങ്ക ചോപ്ര പറഞ്ഞു.
അതേസമയം, ഒരു ശസ്ത്രക്രിയ കൂടി ചെയ്താൽ എല്ലാം ശരിയാകും എന്ന് അച്ഛൻ തന്നെ പ്രോത്സാഹിപ്പിച്ചു. ‘എന്നാൽ തനിക്ക് പേടിയായിരുന്നു. കൈകൾ പിടിച്ച് കൂടെയുണ്ടെന്ന് പറഞ്ഞ് ആത്മവിശ്വാസം വീണ്ടെടുക്കാൻ അദ്ദേഹം സഹായിച്ചു എന്നും താരം പറയുന്നു.
ബോളിവുഡിന് പിന്നാലെ ഹോളിവുഡിലും തന്റേതായ ഇടം ഉറപ്പാക്കിയ താരമാണ് പ്രിയങ്ക. ‘സിറ്റഡല്‍’ എന്ന വെബ് സീരീസാണ് പ്രിയങ്കയുടേതായി ഏറ്റവും ഒടുവില്‍ പുറത്തിറങ്ങിയത്. ലവ് എഗെയ്നാണ് അടുത്ത ചിത്രം.