ഓസ്കര് നേട്ടം വരെ സ്വന്തമാക്കിയ ‘ആര്ആര്ആര്’ രാജ്യത്തിന് അഭിമാനമായി മാറിയിരുന്നു. ചിത്രത്തെ കുറിച്ച് പരാമര്ശിച്ച് വെട്ടിലായിരിക്കുകയാണ് നടി പ്രിയങ്ക ചോപ്ര ഇപ്പോള്. തെലുങ്ക് ബ്ലോക്ബസ്റ്റര് ചിത്രത്തെ ‘തമിഴ് സിനിമ’ എന്നാണ് പ്രിയങ്ക ഒരു അഭിമുഖത്തിനിടെ വിശേഷിപ്പിച്ചത്. ഇതോടെയാണ് താരത്തിനെതിരെ വിമര്ശനങ്ങളും ട്രോളുകളും എത്തുകയാണ്.
നടന് ഡാക്സ് ഷെപ്പേര്ഡുമായുള്ള പോഡ്കാസ്റ്റ് അഭിമുഖത്തിനിടെയാണ് പ്രിയങ്ക സംസാരിച്ചത്. ഹോളിവുഡിനെയും ബോളിവുഡിനെയും താരതമ്യം ചെയ്ത ഡാക്സ് ബോളിവുഡ് ഇപ്പോള് വികസിച്ചു വരികയാണ് എന്ന് പറയുന്നുണ്ട്. അതിന് ഉദാഹരണമായി ആര്ആര്ആര് സിനിമയെ കുറിച്ചും നടന് പറയുന്നുണ്ട്.
എന്നാല് ആര്ആര്ആര് ബോളിവുഡ് സിനിമയല്ല, തമിഴ് സിനിമയാണ് എന്നാണ് പ്രിയങ്ക അവിടെ തിരുത്തി പറയുന്നത്. ”അതൊരു ബ്ലോക്ബസ്റ്റര് തമിഴ് ചിത്രമാണ്, അത് നമ്മുടെ അവഞ്ചേഴ്സ് പോലെയാണ്” എന്നാണ് പ്രിയങ്ക പറയുന്നത്. ഈ സംഭാഷണം വൈറലായതോടെയാണ് താരത്തിനെതിരെ ട്രോളുകള് എത്താന് തുടങ്ങിയത്.
”അതൊരു തെലുങ്ക് സിനിമയാണ്, ഓവര് സ്മാര്ട്ട് ആവണ്ട”, ”ഭയങ്കര നിരാശ തോന്നുന്നു, ആര്ആര്ആര് ക്യാമ്പെയ്നിനെ പിന്തുണച്ച നിങ്ങള്ക്ക് അതൊരു തെലുങ്ക് ആണെന്ന് പറയാന് കഴിഞ്ഞില്ലേ, വായ തുറക്കുന്നതിന് മുമ്പ് സാമാന്യ മര്യാദ വേണം” എനിങ്ങനെയുള്ള വിമര്ശനങ്ങള് പ്രിയങ്കയ്ക്കെതിരെ വരുന്നത്.