പുരുഷത്വത്തിന്റെ അതിപ്രസരമുള്ളതിനാല് ‘ആര്ആര്ആര്’, ‘പുഷ്പ’ എന്നീ സിനിമകള് മുഴുവനയും കാണാന് സാധിച്ചില്ലെന്ന് നസീറുദ്ദിന് ഷാ. മണിരത്നത്തിന് പുരുഷത്വ അജണ്ടയില്ലാത്തത് കൊണ്ട് ‘പൊന്നിയിന് സെല്വന്’ മുഴുവനായി കാണാന് സാധിച്ചു എന്നാണ് നസീറുദ്ദിന് ഷാ പറയുന്നത്.
”യുവതലമുറയില് നമ്മളേക്കാള് കൂടുതല് പരിണമിച്ചവരും കൂടുതല് വിവരമുള്ളവരും കൂടുതല് വിവേകശാലികളാണെന്നും എനിക്ക് ഉറപ്പുണ്ട്. ഒരു ത്രില്ലിനപ്പുറം ഇത്തരം സിനിമകള് കാണുമ്പോള് മറ്റെന്താണ് ലഭിക്കുകയെന്ന് എനിക്ക് ഊഹിക്കാനാകുന്നില്ല. ഞാന് ‘ആര്ആര്ആര്’ കാണാന് ശ്രമിച്ചു, പക്ഷേ എനിക്ക് കഴിഞ്ഞില്ല.”
”പുഷ്പ കാണാന് ശ്രമിച്ചു, പക്ഷേ എനിക്ക് കഴിഞ്ഞില്ല. പുരുഷന്മാരുടെ അരക്ഷിതാവസ്ഥ വര്ധിച്ചു വരികയാണ്. അതുകൊണ്ടാണ് അമിത പുരുഷത്വം പ്രകടമാക്കുന്ന സിനിമകള് കൂടുതല് ഉണ്ടാകുന്നത്. അത്തരം സിനിമകള് എത്ര സ്ത്രീകള് ഇഷ്ടപ്പെടും? ഇത്തരം സിനിമകള് ആസ്വദിച്ചാല് ആളുകള്ക്ക് എന്ത് കിട്ടാനാണ്.”
”മാര്വല് യൂണിവേഴ്സുള്ള അമേരിക്കയില് പോലും ഇത് സംഭവിക്കുന്നു. ഇന്ത്യയിലെ സിനിമകളുടെ കാര്യത്തിലും ഇതുതന്നെയാണ് സംഭവിക്കുന്നത്. എന്നാല് ‘എ വെന്സ്ഡേ’ പോലെയുള്ള സിനിമകളും പ്രേക്ഷകര് ഇഷ്ടപ്പെടുന്നുണ്ട്. പൊന്നിയിന് സെല്വന് കണ്ടു.”
”മണിരത്നത്തിന് പ്രത്യേക അജണ്ടയൊന്നുമില്ല അതുകൊണ്ട് സിനിമ കണ്ടുകൊണ്ടിരിക്കാന് സാധിച്ചു” എന്നാണ് നസീറുദ്ദിന് ഷാ പറയുന്നത്. അതേസമയം, ആര്ആര്ആര്, പുഷ്പ, പൊന്നിയിന് സെല്വന് എന്നിവ ബോസ്ക് ഓഫിസില് കോടികള് നേടിയ പാന് ഇന്ത്യന് സിനിമകളാണ്.