ഒരു കാലത്ത് ബോളിവുഡിലും തെന്നിന്ത്യയിലും ഒരുപോലെ തിളങ്ങിയ താരമാണ് മനീഷ കൊയ്രാള. കാന്സറിനെയും രോഗങ്ങളെയും അതിജീവിച്ച താരം വീണ്ടും അഭിനയത്തിലേക്ക് തിരിച്ചെത്തിയിരിക്കുകയാണ്. സഞ്ജയ് ലീല ബന്സാലിയുടെ വെബ് സീരിസ് ‘ഹീരാമണ്ഡി’യാണ് മനീഷയുടെതായി നിലവില് റിലീസ് ചെയ്തിരുക്കുന്നത്.
പ്രേക്ഷപ്രശംസയും നിരൂപകപ്രശംസയും സീരിസിന് ലഭിക്കുന്നുണ്ട്. സീരിസില് ഹീരമണ്ടിയില് വേശ്യാലയത്തിന്റെ ഉടമയുടെ വേഷത്തിലാണ് മനീഷ എത്തുന്നത്. ഇന്റിമേറ്റ് രംഗങ്ങളില് അടക്കം താരം വേഷമിട്ടിട്ടുണ്ട്. ഇപ്പോഴിതാ ഇന്റിമേറ്റ് സീനുകളില് അഭിനയിച്ചിരുന്നപ്പോള് താന് നേരിട്ട ദുരവസ്ഥകളെ കുറിച്ച് തുറന്നു പറഞ്ഞിരിക്കുകയാണ് മനീഷ.
2018ല് പുറത്തിറങ്ങിയ ‘ലസ്റ്റ് സ്റ്റോറീസ്’ സീരിസിന്റെ ഡയറക്ടറായ ദിബാകര് ബാനര്ജിയോട് താന് തുറന്നു പറഞ്ഞ കാര്യങ്ങളെ കുറിച്ച് മനീഷ പറഞ്ഞിരിക്കുന്നത്. ”ഇന്റിമേറ്റ് സീനുകളില് അഭിനയിക്കുന്നതിന് എനിക്ക് ചില പരിമിതികളുണ്ട്. മുമ്പ് ഇന്റിമേറ്റ് സീനുകളില് അഭിനയിച്ചിരുന്നപ്പോള് എനിക്ക് മോശം അനുഭവങ്ങള് ഉണ്ടായിട്ടുണ്ടെന്ന് ദിബാകറിനോട് ഞാന് തുറന്നു പറഞ്ഞു.”
”ആ പ്രശ്നം അദ്ദേഹത്തിന് പരിഹരിക്കാന് പറ്റില്ല എന്നാണ് തോന്നിയത്. എന്നാല് ദിബാകറിന്റെ മനോഭാവം എന്നെ ആകര്ഷിച്ചു. അദ്ദേഹം അഭിനേതാക്കളെയും ക്രൂവിനെയും എല്ലാവരെയും ശ്രദ്ധിക്കുന്ന ആളാണ്” എന്നാണ് മനീഷ കൊയ്രാള പറയുന്നത്. ലസ്റ്റ് സ്റ്റോറീസില് ഭര്ത്താവിന്റെ സുഹൃത്തുമായി അവിഹിതബന്ധം തുടരുന്ന നായികയായാണ് മനീഷ വേഷമിട്ടത്.