ബോളിവുഡ് നടന് അക്ഷയ് കുമാറിന്റെ ഭാര്യയും എഴുത്തുകാരിയുമായ ട്വിങ്കിള് ഖന്ന പങ്കുവച്ച ചിത്രമാണ് ഇപ്പോള് സോഷ്യല് മീഡിയയില് വൈറലായിരിക്കുന്നത്. മകള് നിതാരക്കൊപ്പം ബുക്ക് വായിക്കുന്നതിന്റെ ചിത്രമാണ് ട്വിങ്കിള് പങ്കുവച്ചിരിക്കുന്നത്. ചിത്രത്തെ കൊറോണ കാലത്തെ പ്രണയം എന്നാണ് ട്വിങ്കിള് വിശേഷിപ്പിക്കുന്നത്.
“”നമ്മുടെ സ്വന്തം ബുക്കുമായി ഒരുമിച്ച് കിടക്കുന്നതിനേക്കാള് സന്തോഷം മറ്റൊന്നുമില്ല…ഈ സന്തോഷ നിമിഷം പകര്ത്തി സൂക്ഷിക്കാന് അതിയായി ആഗ്രഹിക്കുന്നു…”” എന്നാണ് ട്വിങ്കിള് കുറിച്ചിരിക്കുന്നത്. മീ ആന്ഡ് മൈന്, ബുക്ക് വോം ബേബി, ലവ് ഇന് ദ ടൈം ഓഫ് കൊറോണ എന്നീ ഹാഷ്ടാഗുകളോടെയാണ് ചിത്രം പങ്കുവച്ചിരിക്കുന്നത്.
https://www.instagram.com/p/B9rbQpEDFXa/?utm_source=ig_embed
ചിത്രം കണ്ട് അക്ഷയ് എവിടെ, അക്ഷയ് സാറിനെ കാണുന്നില്ലാലോ എന്ന കമന്റുകളുമായാണ് ആരാധകര് എത്തിയിരിക്കുന്നത്.