ബോളിവുഡ് ചര്ച്ചകളില് എന്നും ഇടം നേടുന്ന പ്രണയമാണ് മലൈക അറോറയുടെതും അര്ജുന് കപൂറിന്റെതും. തന്നേക്കാള് പ്രായം കുറഞ്ഞ അര്ജുനുമായുള്ള മലൈകയുടെ പ്രണയത്തിനെതിരെ വിമര്ശനങ്ങള് ഉയര്ന്നിരുന്നു. വര്ഷങ്ങളായി പ്രണയത്തിലായ ഇരുവരും വിവാഹം കഴിച്ചിട്ടില്ല.
ഇരുവരും വേര്പിരിയുകയാണെന്ന വാര്ത്തകള് ഇടയ്ക്കിടെ മാധ്യമങ്ങളില് എത്താറുമുണ്ട്. വീണ്ടും അത്തരത്തിലൊരു വാര്ത്ത കൂടി എത്തിയിരിക്കുകയാണ്. അര്ജുന് മറ്റൊരു പ്രണയത്തിലകപ്പെട്ടു എന്നാണ് മാധ്യമങ്ങള് കണ്ടെത്തിയിരിക്കുന്നത്. നടിയും സോഷ്യല് മീഡിയ താരവുമായ കുശ കപിലയുടെ പേരാണ് ഇപ്പോള് അര്ജുനൊപ്പം കേള്ക്കുന്നത്.
സോഷ്യല് മീഡിയ ഇന്ഫ്ലുവന്സറായ കുശ അടുത്തിടെയാണ് വിവാഹ മോചനം നേടിയത്. കുശയുടേയും സൊരാവറിന്റേയും വിവാഹ മോചനം സോഷ്യല് മീഡിയയിലെ ചൂടേറിയ ചര്ച്ചയായിരുന്നു. അതിന് പിന്നാലെയാണ് ഇതിന് പിന്നാലെയാണ് കുശയും അര്ജുനും അടുപ്പത്തിലാണെന്ന വാര്ത്തകള് വന്നത്.
ഇത്തരം വാര്ത്തകള് പുതുമ അല്ലത്തതിനാല് മലൈകയോ അര്ജുനോ ഇതില് വിശദീകരണമൊന്നും നല്കിയിട്ടില്ല. എന്നാല് ഈ ഗോസിപ്പിനെതിരെ കുശ രൂക്ഷമായി തന്നെ പ്രതികരിച്ചിട്ടുണ്ട്. കരണ് ജോഹര് നടത്തിയൊരു പാര്ട്ടിയില് കുശയും അര്ജുന് കപൂറും അടുത്തിടെ പങ്കെടുത്തിരുന്നു.
എന്നാല് അവധി ആഘോഷിക്കാന് പോയിരുന്ന മലൈക്ക ഈ പാര്ട്ടിക്ക് വന്നിരുന്നില്ല. ഇതേ പാര്ട്ടിയില് അര്ജുനും കുശയും ഒന്നിച്ച് നില്ക്കുന്ന ഫോട്ടോ വൈറലായിരുന്നു. ഇതാണ് ഗോസിപ്പിലേക്ക് നയിച്ചത്. എന്തൊക്കെ അസംബന്ധമാണ് ദിവസവും കേള്ക്കേണ്ടി വരുന്നത് എന്നാണ് കുശ പറഞ്ഞത്.
തന്റെ അമ്മ ഇതൊന്നും കാണാതിരിക്കട്ടെ എന്നാണ് തന്റെ പ്രാര്ത്ഥനയെന്നും നടി കൂട്ടിച്ചേര്ത്തു. ദിവസവും തന്നെ കുറിച്ച് വിവരക്കേടുകള് വായിക്കേണ്ടി വരുകയാണെന്നും അതില് സ്വയം വിശദീകരിക്കേണ്ട അവസ്ഥയാണെന്നും കുശ പറഞ്ഞു.