റിപ്പോര്ട്ട് ചെയ്യപ്പെടാത്ത നിരവധി ലൈംഗികാതിക്രമങ്ങള് ബോളിവുഡ് സിനിമകളുടെ സെറ്റില് നടന്നിട്ടുണ്ടെന്ന് നടി കൊങ്കണ സെന് ശര്മ്മ. സീനിയര് നടിമാര്ക്ക് മാത്രമാണ് സിനിമാ സെറ്റുകളില് ബഹുമാനം ലഭിക്കുന്നത്. ജാതിയുടെയും വര്ഗത്തിന്റെയും അടിസ്ഥാനത്തിലും സിനിമയില് വേര്തിരിവുകള് ഉണ്ടെന്നും കൊങ്കണ പറയുന്നുണ്ട്.
റിപ്പോര്ട്ട് ചെയ്യപ്പെടാത്ത നിരവധി ലൈംഗിക അതിക്രമങ്ങള് സിനിമ സെറ്റുകളില് സംഭവിച്ചിട്ടുണ്ട്, അവ ഇനിയും പുറത്തു വന്നിട്ടില്ല. അത്തരത്തിലുള്ള അന്തരീക്ഷത്തില് ജോലി ചെയ്യുന്നതും അതിന് ദൃക്സാക്ഷിയാവുക എന്നതും ബുദ്ധിമുട്ടുള്ള കാര്യമാണ്.
സ്ത്രീകള് എങ്ങനെയാണ് പരിഗണിക്കപ്പെടുന്നത്, അവരുടെ സുരക്ഷ, അവരുടെ സാമ്പത്തിക സ്വാതന്ത്ര്യം തടസപ്പെടുന്നത് തുടങ്ങിയ കാര്യങ്ങള് ഇപ്പോഴും വാര്ത്തകളിലൂടെ വായിക്കുമ്പോള് എനിക്ക് വളരെ നിരാശ തോന്നാറുണ്ട്. സീനിയര് നടിമാര്ക്ക് മാത്രമാണ് സിനിമാ സെറ്റുകളില് ബഹുമാനം ലഭിക്കുന്നത്.
ഒരു സീനിയര് നടിയല്ല നിങ്ങള് എങ്കില് ഫര്ണിച്ചറുകളെ പോലെയാണ് സിനിമാ സെറ്റുകളില് നിങ്ങള് പരിഗണിക്കപ്പെടുക. ഇത് എല്ലാ സിനിമ സെറ്റുകളിലും കാണാന് സാധിക്കുന്നതാണ്. ഭക്ഷണം വിളമ്പുന്ന കാര്യത്തിലാണെങ്കിലും ഒരാള് എവിടെയിരിക്കണമെന്ന് തീരുമാനിക്കുന്ന കാര്യത്തിലാണെങ്കിലും അങ്ങനെ തന്നെ.
ഒരാള്ക്ക് എന്ത് കഴിക്കാന് അനുവാദമുണ്ട് തുടങ്ങി ഒരുപാട് കാര്യങ്ങള് നിശ്ചയിക്കുന്നത് ജാതിയുടെയും വര്ഗത്തിന്റെയും അടിസ്ഥാനത്തിലാണ് എന്നാണ് കൊങ്കണ പറയുന്നത്. സുചിത്ര ത്യാഗിയുടെ യൂട്യൂബ് ചാനലിന് നല്കിയ അഭിമുഖത്തിലാണ് കൊങ്കണ സംസാരിച്ചത്.