പ്രണയം പിടിക്കപ്പെടാതിരിക്കാന് കാമുകിമാരെ സഹോദരികളാക്കുമെന്ന് തുറന്നുപറഞ്ഞ് ബോളിവുഡ് നടന് കാര്ത്തിക് ആര്യന്. സ്കൂള് കാലത്തുണ്ടായ പ്രണയത്തെ കുറിച്ചും കാര്ത്തിക് ആര്യന് വെളിപ്പെടുത്തി. പ്രണയം വീട്ടില് അറിയുമോ എന്ന് ഭയന്നിരുന്നെന്നും അതിനാല് കാമുകിയെ കാണാന് പോയിരുന്നത് രഹസ്യമായിട്ടായിരുന്നു എന്നാണ് താരം പറയുന്നത്.
“”16ാം വയസില്, ഞാനും കാമുകിയും സ്കൂളില് ഒരേ ബെഞ്ചിലിരുന്നാണ് പഠിച്ചിരുന്നത്. ഞങ്ങള് ഹോംവര്ക്കുകളും അസൈന്മെന്റുകളുമെല്ലാം ഷെയര് ചെയ്യുമായിരുന്നു. എന്നാല് പ്രണയത്തിലാണെന്ന കാര്യം പിടിക്കപ്പെടുമോ എന്ന് ഭയപ്പെട്ടിരുന്നു. ഗോളിയോറിലെ പൊതുസ്ഥലങ്ങളിലെല്ലാം പോകുമ്പോള് പ്രണയം ഒളിച്ചുവെക്കാന് ഞങ്ങള് പരമാവധി ശ്രമിച്ചിരുന്നെന്നാണ് താരം പറയുന്നത്. വാലന്റൈന്സ് ദിനത്തില് കാമുകിയെ കാണാന് റസ്റ്റോറന്റില് പോയപ്പോള് ബന്ധുക്കളോ വീട്ടുകാരോ കണ്ടുപിടിക്കുമോ എന്ന് പേടിച്ചിരുന്നു”” എന്ന് താരം കപില് ശര്മ ഷോയില് പറഞ്ഞു.
വീട്ടുകാരെ തനിക്ക് പേടിയായിരുന്നു എന്നാണ് കാര്ത്തിക് പറയുന്നത്. പിടിക്കപ്പെടാതിരിക്കാന് കാമുകിമാരെ കസിന് എന്നാണ് വിളിച്ചിരുന്നതെന്നും താരം പറഞ്ഞു. “ലവ് ആജ് കല്” ആണ് താരത്തിന്റെ റിലീസിനൊരുങ്ങുന്ന പുതിയ ചിത്രം. സാറ അലി ഖാനാണ് ചിത്രത്തില് നായികയായി എത്തുന്നത്.