കോവിഡ് 19 ഭീഷണിയെ തുടര്ന്ന് ലോകം മുഴുവന് ലോക്ഡൗണിലാണ്. കടകളും റോഡുകളും അടഞ്ഞു ജനങ്ങള് വീട്ടില് തന്നെ ഇരിക്കാന് തുടങ്ങിയതോടെ പ്രകൃതിഭംഗി മടങ്ങി വരുന്ന കാഴ്ചയാണ് കാണുന്നത്. നേരത്തെ ഹരിദ്വാറില് മാനുകള് കൂട്ടത്തോടെ എത്തിയിരുന്നു. പിന്നാലെ മയിലുകളും എത്തിയിരിക്കുകയാണ്.
മുംബൈ റസിഡന്സ് ഏരിയയില് മയിലുകള് എത്തിയ കാഴ്ചയാണ് ബോളിവുഡ് താരം ജൂഹി ചൗള പങ്കു വെച്ചിരിക്കുന്നത്. ബാബുല്നാഥിലെ ഖാരെഘട്ട് കോളനിയിലാണ് ആണ്മയിലുകളും പെണ്മയിലുകളും കൂട്ടത്തോടെ എത്തിയത്. രസകരമായ കമന്റുകളാണ് ജൂഹി പങ്കുവെച്ച പോസ്റ്റിന് ലഭിക്കുന്നത്.
“”മനുഷ്യര് എവിടെയെന്ന് അന്വേഷിക്കാന് വന്നതാകും”” എന്നാണ് ഒരു കമന്റ്. “”രണ്ടു കാലുള്ള ആ കുരങ്ങുകളെവിടെ എന്ന് അന്വേഷിച്ചിറങ്ങിയ മയിലുകള്”” എന്നാണ് മറ്റൊരു കമന്റ്. നേരത്തെ വെനീസിലെ തടാകം തെളിഞ്ഞതും അരയന്നങ്ങള് തിരിച്ചെത്തിയതും വൈറലായിരുന്നു.