ലോകം മുഴുവന്‍ കൊറോണ ഭീതിയിലിരിക്കെ വര്‍ക്കൗട്ട് വീഡിയോ പങ്കുവക്കുന്ന ബോളിവുഡ് താരങ്ങള്‍ക്കെതിരെ സംവിധായികയും നിര്‍മ്മാതാവുമായ ഫറ ഖാന്‍. സോഷ്യല്‍ മീഡിയയില്‍ പങ്കുവച്ച വീഡിയോയിലൂടെയാണ് ഫറയുടെ പ്രതികരണം. നിങ്ങളുടെ ഫിഗറിനേക്കാള്‍ വലിയ ആശങ്കകള്‍ ഞങ്ങളില്‍ ചിലര്‍ക്കുണ്ടെന്നാണ് ഫറ പറയുന്നത്.
“”നിങ്ങളുടെ വര്‍ക്കൗട്ട് വീഡിയോകള്‍ പങ്കുവക്കുന്നത് നിര്‍ത്തണം, അതുപയോഗിച്ച് ഞങ്ങളെ ആക്രമിക്കരുത്. ഈ മഹാമാരിയെ കുറിച്ച് നിങ്ങള്‍ക്ക് വേവലാതികളൊന്നുമില്ലെന്ന കാര്യം എനിക്ക് മനസിലാക്കാന്‍ കഴിയും. എന്നാല്‍ ഈ പ്രതിസന്ധി ഘട്ടത്തില്‍ നമ്മളില്‍ ചിലര്‍ക്കും മിക്കവര്‍ക്കും വലിയ ആശങ്കകളുണ്ട്. അതിനാല്‍ ദയവായി ഞങ്ങളോട് കരുണ കാണിക്കുകയും നിങ്ങളുടെ വര്‍ക്കൗട്ട് വീഡിയോകള്‍ നിര്‍ത്തണം. അത് പങ്കുവക്കുന്നത് നിങ്ങള്‍ക്ക് നിര്‍ത്താന്‍ സാധിക്കുന്നില്ലെങ്കില്‍, ഞാന്‍ നിങ്ങളെ അണ്‍ഫോളോ ചെയ്യുന്നതില്‍ വിഷമിക്കരുത്”” എന്ന് ഫറ വീഡിയോയില്‍ പറഞ്ഞു.
https://www.instagram.com/p/B-L4im6A5bh/?utm_source=ig_embed&utm_campaign=embed_video_watch_again
ശില്‍പ്പ ഷെട്ടി, പ്രിയങ്ക ചോപ്ര, കാര്‍ത്തിക് ആര്യന്‍, ജാക്വിലിന്‍ ഫെര്‍ണ്ടാസ് എന്നിങ്ങനെ നിരവധി താരങ്ങളാണ് വര്‍ക്കൗട്ട് വീഡിയോകള്‍ പങ്കുവച്ച് എത്താറുള്ളത്.
