മുംബൈ എയര്‍പോര്‍ട്ടില്‍ വച്ച് ഡാന്‍സ് ചലഞ്ച് ഏറ്റെടുത്ത് നൃത്തം ചെയ്ത ദീപിക പദുക്കോണിനും കാര്‍ത്തിക് ആര്യനേയും ട്രോളി സോഷ്യല്‍ മീഡിയ. കാര്‍ത്തിക് ആര്യന്റെ പുതിയ ചിത്രമായ “പതി പത്‌നി ഓര്‍ വോ” എന്ന ചിത്രത്തിലെ “”ധീമേ ധീമേ”” എന്ന ഗാനത്തിനാണ് ഇരുവരും ചുവടുവച്ചത്.
ചിത്രത്തിലെ ഗാനരംഗത്തില്‍ കാര്‍ത്തിക്കിന്റെ ഡാന്‍സ് ഏവരും അഭിനന്ദിച്ചിരുന്നു. ഈ നൃത്തച്ചുവടുകള്‍ തന്നെയും പഠിപ്പിക്കണമെന്ന് ദീപിക സോഷ്യല്‍ മീഡിയയിലൂടെ ആവശ്യപ്പെട്ടിരുന്നു. തുടര്‍ന്നാണ് മുംബൈ എയര്‍പോര്‍ട്ടില്‍ കണ്ടുമുട്ടിയ ഇരുവരും നൃത്തം ചെയ്തത്. കാര്‍ത്തിക് ദീപികയെ സ്റ്റെപ് പഠിപ്പിക്കുകയും നൃത്തം ചെയ്യുകയുമായിരുന്നു.
ഇന്‍സ്റ്റഗ്രാമിലാണ് കാര്‍ത്തിക് “”ധീമേ ധീമേ ഡാന്‍സ് ചലഞ്ച്”” എന്ന പേരില്‍ നൃത്തം പങ്കുവച്ചത്. ഇതോടെയാണ് ഇരുവര്‍ക്കും എതിരെ ട്രോളുകള്‍ നിറഞ്ഞത്. “”ഡാന്‍സ് പഠിക്കണമെങ്കില്‍ വീട്ടില്‍ പോയി പഠിച്ചൂടെ എയര്‍പോര്‍ട്ട് മാത്രമേ കിട്ടിയുള്ളോ? പൊലീസിന് പണി കൂടി, പൊതുജനങ്ങളെ വെറുതെ വിടണം”” എന്നിങ്ങനെയുള്ള ട്രോളുകളാണ് എത്തിയത്.
https://www.instagram.com/tv/B5iOd-Dlpi_/?utm_source=ig_embed