ബോളിവുഡില് ഇപ്പോള് തിളങ്ങി നില്ക്കുന്ന താരമാണ് ശ്രദ്ധ കപൂര്. “ടീന് പത്തി” എന്ന ചിത്രത്തിലൂടെയാണ് ശ്രദ്ധ ബോളിവുഡിലേക്ക് അരങ്ങേറ്റം കുറിച്ചത്. എന്നാല് താന് സല്മാന് ഖാനൊപ്പം പതിനാറാം വയസില് ബോളിവുഡിലേക്ക് എത്തേണ്ടതായിരുന്നു എന്ന് വെളിപ്പെടുത്തിയിരിക്കുകയാണ് താരം.
തന്റെ പതിനാറാം വയസില് സല്മാന് ഖാനൊടൊപ്പം അഭിനയിക്കാന് അവസരം ലഭിച്ചിരുന്നതായി ശ്രദ്ധ പറയുന്നു. എന്നാല് തനിക്ക് പഠിക്കാനായിരുന്നു താല്പര്യം, അതിനാല് ആ അവസരം വേണ്ടെന്ന് വച്ചതായി ശ്രദ്ധ ഒരു അഭിമുഖത്തില് വ്യക്തമാക്കി. 23ാം വയസിലാണ് ശ്രദ്ധ ബോളിവുഡിലേക്ക് അരങ്ങേറ്റം കുറിക്കുന്നത്. ടീന് പത്തിയില് അമിതാഭ് ബച്ചന്, ബെന് കിംഗ്സ്ലി, മാധവന്, റെയ്മ സെന് എന്നീ വമ്പന് താരങ്ങളുമുണ്ടായിരുന്നു.
നടന് ശക്തി കപൂറിന്റെയും ശിവാംഗി കോലാപൂറിന്റെയും മകളാണ് ശ്രദ്ധ കപൂര്. “ബാഗി 3” ആണ് ശ്രദ്ധയുടെതായി റിലീസിനെത്തിയ ഏറ്റവും പുതിയ ചിത്രം. “ആശിഖി 2”, “സാഹോ”, “ഏക് വില്ലന്”, “ചിച്ചോരെ” എന്നിവയാണ് ശ്രദ്ധയുടെ മികച്ച ചിത്രങ്ങള്.