കൊറോണ പ്രതിരോധത്തിനായി പുരസ്കാരങ്ങള് ലേലത്തിന് വെച്ച് സിനിമാപ്രവര്ത്തകര്. അനുരാഗ് കശ്യപ് അടക്കമുള്ള സംവിധായകരാണ് ധനസമാഹരണത്തിനായി മുന്നോട്ടു വന്നിരിക്കുന്നത്. “ഗാങ്സ് ഓഫ് വാസിയപൂര്” എന്ന ചിത്രത്തിന് ലഭിച്ച ഫിലിംഫെയര് അവാര്ഡാണ് അനുരാഗ് കശ്യപ് ലേലം ചെയ്യുന്നത്.
ദേശീയ പുരസ്കാര ജേതാവ് നീരജ് ഗായ്വാന് മൂന്ന് ചിത്രങ്ങള്ക്ക് ലഭിച്ച അവാര്ഡുകളാണ് ലേലം ചെയ്യുന്നത്. ഗായ്വാന്റെ ആദ്യ ചിത്രം “മസാന്” ലഭിച്ച ടിഒഐഎഫ്എ അവാര്ഡ്, “ജ്യൂസ്” എന്ന ചിത്രത്തിന് ലഭിച്ച ഫിലിം ഫെയര് അവാര്ഡ്, “മസാന്” കാന് ഫിലിം ഫെസ്റ്റിവലില് ലഭിച്ച അംഗീകാരം എന്നിവയാണ് ലേലം ചെയ്യുന്നത്.
ഗാനരചയിതാവ് വരുണ് ഗ്രോവര് “ദം ലഗാ കേ ഹൈഷാ” എന്ന ചിത്രത്തിന് ലഭിച്ച അവാര്ഡാണ് ലേലം ചെയ്യുന്നത്. കോവിഡ് ബാധിതരെ സഹായിക്കാന് 13 ലക്ഷം രൂപ സമാഹരിക്കാനാണ് പുതിയ സംരഭം.