തന്റെ പേര് പറഞ്ഞ് കൊച്ചുമകന് ന്യൂയോര്ക്കിലെ ഹോട്ടലില് നിന്നും ഫ്രീ ആയി ഭക്ഷണം കഴിക്കാറുണ്ടെന്ന് ബോളിവുഡ് താരം അമിതാഭ് ബച്ചന്. ന്യൂയോര്ക്കില് ഉപരിപഠനം നടത്തുന്ന അഗസ്ത്യ നന്ദയെ കുറിച്ചാണ് അമിതാഭ് ബച്ചന് കോന് ബനേഗാ കോര്പ്രതി എന്ന പരിപാടിക്കിടെ സംസാരിച്ചത്. രണ്ട് വര്ഷത്തോളം തന്റെ പേര് പറഞ്ഞ് ഫ്രീയായി ഭക്ഷണം കഴിച്ചിട്ടുണ്ട് എന്നാണ് ബച്ചന് പറയുന്നത്.
”ന്യൂയോര്ക്കില് പഠിക്കുന്ന അഗസ്ത്യ അടുത്തുള്ള ഒരു ഇന്ത്യന് റെസ്റ്റോറന്റില് പോയപ്പോള് ‘അമിതാഭ് ബച്ചന്’ എന്ന് പേരുള്ള ഒരു ഡിഷ് കണ്ടു. ഉടനെ അഗസ്ത്യ അതിനെ കുറിച്ച് ഹോട്ടല് ജീവനക്കാരോട് ആ ഡിഷിനെ കുറിച്ച് ചോദിക്കുകയും അത് ഓര്ഡര് ചെയ്യുകയും ചെയ്തു.”
”അത് കഴിച്ച ശേഷം, ‘നിങ്ങള്ക്ക് അറിയാമോ ഇദ്ദേഹം എന്റെ മുത്തച്ഛനാണ്’ എന്ന് അവരോട് പറഞ്ഞു. ആദ്യം അവരത് വിശ്വസിച്ചില്ല. പിന്നീട് എനിക്കൊപ്പമുള്ള ചിത്രങ്ങള് അവന് അവരെ കാണിച്ചു കൊടുത്തു. പിന്നീട് രണ്ട് വര്ഷത്തോളം അവന് അവിടെ നിന്നും ഫ്രീ ആയാണ് ഭക്ഷണം കഴിച്ചത്” എന്നാണ് അമിതാഭ് ബച്ചന് പറഞ്ഞത്.
വിദ്യ ബാലനും കാര്ത്തിക് ആര്യനും പങ്കെടുത്ത പരിപാടിയിലാണ് ബച്ചന് ഇക്കാര്യം പറഞ്ഞത്. അഗസ്ത്യയുടെ കഥ കേട്ടതിന് പിന്നാലെ തന്റെ അനുഭവം കാര്ത്തിക് ആര്യനും പങ്കുവയ്ക്കുന്നുണ്ട്. സിനിമാ താരം ആണെങ്കിലും ജുഹുവിലെ ഏത് റെസ്റ്റോറന്റില് നിന്നും കഴിച്ചാലും തന്നോട് മുഴുവന് കാശും വാങ്ങാറുണ്ട് എന്നാണ് കാര്ത്തിക് തമാശയായി പറഞ്ഞത്.
അതേസമയം, അഗസ്ത്യ നന്ദ ബച്ചന്റെ മകള് ശ്വേതയുടെ മകനാണ്. സോയ അക്തറുടെ ദ ആര്ച്ചീസ് എന്ന ചിത്രത്തിലൂടെ അഗസ്ത്യ അഭിനയരംഗത്തേക്ക് അരങ്ങേറ്റം കുറിച്ചിരുന്നു. ശ്രീരാം രാഘവന്റെ ഇക്കീസ് എന്ന വാര് ഡ്രാമ ചിത്രത്തിലാണ് ഇനി അഗസ്ത്യ അഭിനയിക്കാന് ഒരുങ്ങുന്നത്.