രക്ഷാബന്ധന് ദിനത്തില് “രക്ഷാബന്ധന്” സിനിമ പ്രഖ്യാപിച്ച് നടന് അക്ഷയ് കുമാര്. ആനന്ദ് എല് റായ് സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പോസ്റ്ററും അക്ഷയ് പങ്കുവെച്ചു. ഇത് തന്റെ സഹോദരി അല്ക്കയ്ക്കുള്ള സമര്പ്പണം ആണെന്ന് അക്ഷയ് സോഷ്യല് മീഡിയയില് കുറിച്ചു.
“”എന്റെ ഹൃദയത്തെ സ്പര്ശിച്ച ചിത്രങ്ങള് വളരെ കുറവാണ്. സിനിമാജീവിതത്തില് ഏറ്റവുമെളുപ്പത്തില് ചെയ്യാമെന്നേറ്റ ചിത്രമാണ് ഇത്. ഈ കഥ നിങ്ങളെ ചിരിപ്പിക്കുകയും ഒപ്പം കരയിപ്പിക്കുകയും ചെയ്യും. സഹോദരിമാര് ഉള്ളവര് എത്ര ഭാഗ്യമുള്ളവരാണെന്ന തിരിച്ചറിവും നല്കും. ഈ സിനിമ എന്റെ പ്രിയ സഹോദരി അല്ക്കയ്ക്കുള്ള സമര്പ്പണമാണ്.””
“”ലോകത്തിലെ ഏറ്റവും സ്പെഷ്യലായ ബന്ധം, സഹോദരബന്ധം. ആനന്ദ് എല് റായിയുമായി ചേര്ന്ന് അല്ക്കയാണ് ഈ ചിത്രം നിര്മ്മിച്ച് നിങ്ങളിലേക്ക് എത്തിക്കുന്നത് എന്നത് എന്നെ ഏറെ സന്തോഷവാനാക്കുന്നു. ജീവിതത്തിലെ ഏറ്റവും പ്രത്യേകതയുള്ള ഈ സിനിമ നല്കിയതിന് ആനന്ദിനോട് തീര്ത്താല് തീരാത്ത നന്ദി”” എന്നാണ് പോസ്റ്റര് പങ്കുവെച്ച് അക്ഷയ് കുമാര് കുറിച്ചത്.
https://www.instagram.com/p/CDapO5LHH2N/
രാഖി ഉത്സവത്തെ അടിസ്ഥാനമാക്കി ഒരുക്കുന്ന ചിത്രം അടുത്ത വര്ഷം ദീപാവലി റിലീസായി എത്തുമെന്നാണ് റിപ്പോര്ട്ടുകള്. ആനന്ദ് എല് റായിയുടെ “അത്രംഗി രേ” എന്ന സിനിമയിലും അക്ഷയ് വേഷമിടുന്നുണ്ട്. അതേസമയം, “ലക്ഷ്മി ബോംബ്” ആണ് അക്ഷയ്യുടെതായി റിലീസിനൊരുങ്ങുന്നു ചിത്രം.