രണ്ട് വര്ഷത്തെ പ്രണയത്തിനൊടുവില് ബോളിവുഡ് താരങ്ങളായ ആദിത്യ റോയ് കപൂറും അനന്യ പാണ്ഡെയും വേര്പിരിഞ്ഞു. താരങ്ങളുടെ അടുത്ത സുഹൃത്ത് ഇരുവരുടെയും ബ്രേക്കപ്പ് സ്ഥിരീകരിച്ചതായാണ് ബോംബെ ടൈംസ് റിപ്പോര്ട്ട് ചെയ്യുന്നത്. ഒരു മാസം മുമ്പേ ഇരുവരും വേര്പിരിഞ്ഞതായാണ് റിപ്പോര്ട്ടുകള്.
”അവര് വേര്പിരിഞ്ഞിട്ട് ഏകദേശം ഒരു മാസമായി. അവരുടെ ബന്ധം നന്നായി പോവുകയായിരുന്നു. അവരുടെ വേര്പിരിയല് ഞങ്ങളെ എല്ലാവരെയും ഞെട്ടിച്ചു. തീര്ച്ചയായും മുറിവുണ്ട്, അനന്യ മുന്നോട്ട് പോകാന് ശ്രമിക്കുകയാണ്. അവള് പുതിയ സുഹൃത്തിനൊപ്പം സമയം ചിലവഴിക്കുകയാണ്.”
”സാഹചര്യങ്ങളെ പക്വതയോടെ നേരിടാന് ആദിത്യയും ശ്രമിക്കുന്നുണ്ട്” എന്നാണ് സുഹൃത്ത് പറയുന്നത്. രണ്ട് വര്ഷത്തോളമായി പ്രണയത്തിലായിരുന്നെങ്കിലും അനന്യ കഴിഞ്ഞ മാസം ഒരു നിഗൂഢമായ പോസ്റ്റ് പങ്കുവച്ചതോടെ ഇരുവരും വേര്പിരിഞ്ഞതായി റിപ്പോര്ട്ടുകള് എത്തിയിരുന്നു.
അതേസമയം, ആദിത്യ കപൂര് മുന് കാമുകിയായ ശ്രദ്ധ കപൂറുമായി അടുത്തതായാണ് റിപ്പോര്ട്ടുകള്. രാത്രി വൈകി ശ്രദ്ധയെ വീട്ടില് കൊണ്ടുപോയി വിടുന്ന ആദിത്യയുടെ വീഡിയോ കഴിഞ്ഞ ദിവസം പുറത്തു വന്നിരുന്നു. അതിനാല് ഇരുവരും വീണ്ടും ഡേറ്റിംഗ് ആരംഭിച്ചുവെന്ന വാര്ത്തകളാണ് പുറത്തു വരുന്നത്.
Aditya spotted at shraddha’s house 🫨
byu/thekeeperofwords inBollyBlindsNGossip
ആശിഖി 2 എന്ന ചിത്രത്തിലൂടെയാണ് ശ്രദ്ധയും ആദിത്യയും പ്രശസ്തരാവുന്നത്. പിന്നീടും ഇരുവരും ജോഡികളായി സ്ക്രീനിലെത്തിയിട്ടുണ്ട്. നടന് ചങ്കി പാണ്ഡെയുടെ മകളാണ് അനന്യ പാണ്ഡെ. സ്റ്റുഡന്റ് ഓഫ് ദ ഇയര് 2വിലൂടെയാണ് അനന്യ ബോളിവുഡില് അരങ്ങേറ്റം കുറിക്കുന്നത്. കണ്ട്രോള്, ശങ്കര എന്നീ ചിത്രങ്ങളാണ് നിലവില് അനന്യയുടെതായി ഒരുങ്ങി കൊണ്ടിരിക്കുന്നത്.