നന്ദമൂരി ബാലകൃഷ്ണ നായകനായെത്തുന്ന ഏറ്റവും പുതിയ തെലുങ്ക് ചിത്രമാണ് ‘ഭഗവന്ത് കേസരി’. ആരാധകർ ആവേശത്തോടെ കാത്തിരിക്കുന്ന ചിത്രത്തിന് ഏറെ സവിശേഷതകളുണ്ട്. എന്നത്തേയും പോലെ ബാലയ്യയുടെ മാസ് തന്നെയാണ് ചിത്രത്തിന്റെ ഗതി. എന്നാൽ ബോളിവുഡ് താരം അര്ജുന് റാംപാല് ചിത്രത്തില് ഒരു പ്രധാന വേഷത്തില് എത്തുന്നുണ്ട്.
അര്ജുന് റാംപാലിന്റെ ആദ്യത്തെ തെലുങ്ക് ചിത്രമാണ് ഇത്. കഴിഞ്ഞ ദിവസമാണ് അര്ജുന്റെ ചിത്രത്തിലെ ഭാഗങ്ങളുടെ ഷൂട്ടിംഗ് അവസാനിച്ചത്. ബാലകൃഷ്ണയ്ക്കൊപ്പം ഉള്ള ചിത്രങ്ങളോടെ ഒരു നീണ്ട കുറിപ്പ് അർജുൻ തന്റെ തന്റെ ഇന്സ്റ്റഗ്രാം പേജില് പങ്കുവച്ചിരുന്നു.
തന്റെ ആദ്യ തെലുങ്ക് ചിത്രമാണ് ‘ഭഗവന്ത് കേസരി’. അഭിനയിക്കാനെത്തുമ്പോൾ ഭയം ഉണ്ടായിരുന്നു. എന്നാൽ ബാലകൃഷ്ണയുടെ ഊര്ജ്ജം എല്ലാം നന്നാകുവാന് സഹായിച്ചു. അദ്ദേഹം തനിക്ക് ഒരു മുതിര്ന്ന ജേഷ്ഠനെപ്പോലെയാണ് എന്ന് കുറിപ്പിൽ പറയുന്നുണ്ട്. സംവിധായകനെയും അണിയറ പ്രവർത്തകരേയും പോസ്റ്റിൽ അഭിനന്ദിക്കുന്നുണ്ട്.
ചിത്രത്തിന്റെ ടീസർ പുറത്തിറങ്ങിയത് ഏറെ ആവേശത്തോടെയാണ് ആരാധകർ സ്വീകരിച്ചത്. വീര സിംഹ റെഡ്ഡി, അഖണ്ഡ തുടങ്ങിയ വന് ഹിറ്റുകള്ക്ക് ശേഷം വന് ബോക്സോഫീസ് വിജയം തന്നെയാണ് ഈ ചിത്രത്തിലൂടെ ബാലയ്യ ഫാന്സ് പ്രതീക്ഷിക്കുന്നത്. അനില് രവിപുഡിയാണ് ‘ഭഗവന്ത് കേസരി’യുടെ സംവിധാനം.