ബൈക്കില് യാത്ര ചെയ്യുമ്പോള് കുട പിടിക്കുന്നത് അപകടം വരുത്തുമെന്ന് മിക്കവര്ക്കും അറിയുന്ന കാര്യമാണ്. എന്നാലും ചിലര് മഴ, വെയില് എന്നിവയില് നിന്ന് രക്ഷപ്പെടാന് കുട പിടിച്ച് ബൈക്കിന് പിന്നിലിരിക്കുന്നവരെ നമ്മള് കാണുന്നത് പതിവാണ്. ഇതുപോലെ ബൈക്കിന് പിന്നിലിരിക്കുമ്പോള് കുട ചൂടിയതു മൂലം ഉണ്ടായ അപകടത്തിന്റെ വീഡിയോ സോഷ്യല് മീഡിയയില് ഇപ്പോള് വൈറലായിട്ടുണ്ട്.
ഹെല്മറ്റ് വെക്കാതെ ബൈക്ക് ഓടിക്കുന്ന യുവാവ്, ബൈക്കിന്റെ മുന്നില് ഒരു കുട്ടിയുണ്ട്, പിന്നില് കുട പിടിച്ച് യുവതി. നിവര്ന്ന കുട കാറ്റ് പിടിക്കുകയും അത് നിയന്ത്രിക്കാന് കഴിയാതെ ബൈക്കില് നിന്നും യുവതി റോഡിലേക്ക് തെറിച്ചു വീഴുന്നതും വീഡിയോയില് കാണാം. വീണയുടനെ ആളുകളെത്തി യുവതിയെ എഴുന്നേല്പ്പിക്കാന് നോക്കുന്നുണ്ടെങ്കിലും യുവതിക്ക് ബോധം പോയിരുന്നു. വെയില് കൊള്ളാതിരിക്കാനാണ് യുവതി കുട പിടിച്ചതെന്നാണ് കരുതുന്നത്.