ഇന്ന് ഏപ്രിൽ 1, ലോക വിഡ്ഢി ദിനം. ജീവിതത്തിൽ ഒരിക്കലെങ്കിലും നമ്മൾ ആരെയെങ്കിലും വിഡ്ഢികളാക്കുകയോ മറ്റുള്ളവർ നമ്മളെ വിഡ്ഢികളാക്കുകയോ ചെയ്തിട്ടുണ്ടാകാം. സുഹൃത്തുക്കളെയും വീട്ടുകാരെയുമൊക്കെ പറ്റിക്കാനുള്ള ഒരു അവസരമായാണ് പലരും ഈ ദിനത്തെ കാണുന്നത്. പൊതുവെ തമാശയ്ക്ക് ആളുകൾ ഈ ദിനത്തിൽ ആളുകളെ പറ്റിക്കാറുണ്ടെങ്കിലും ചില സന്ദർഭങ്ങളിൽ തമാശ കാര്യമാകാറുമുണ്ട്. ലോകം മുഴുവനും ഈ ദിവസം വിഡ്ഢിദിനമായി ആഘോഷിക്കുന്ന ഈ ദിവസത്തിന് പിന്നിൽ പൊതുവെ അറിയപ്പെടുന്ന ഒരു ചരിത്രമുണ്ട്.
ലോകത്ത് വിഡ്ഢിദിനം എന്നുമുതലാണ് കൃത്യമായി ആഘോഷിച്ച് തുടങ്ങിയത് എന്ന് ആർക്കും അറിയില്ല. കൃത്യമായ ഒരു ചരിത്രവും ഇല്ല. എന്നാൽ രണ്ടു കലണ്ടറുകളുമായി ബന്ധപ്പെട്ടാണ് വിഡ്ഢിദിനം ഉടലെടുത്തത് എന്നാണ് പൊതുവെ പറയപ്പെടുന്ന ചരിത്രം. ഫ്രാൻസിലാണ് സംഭവം നടക്കുന്നത്. 1952-ല് ഗ്രിഗറി പതിമൂന്നാമന് മാര്പ്പാപ്പ ഗ്രിഗേറിയന് കലണ്ടര് അവതരിപ്പിച്ച സംഭവത്തിന് വിഡ്ഢിദിനവുമായി ബന്ധമുണ്ടെന്നാണ് ചരിത്രകാരന്മാർ പറയുന്നത്. BCE 45ല് ഫ്രാന്സ് ഭരിച്ചിരുന്ന ജൂലിയസ് സീസര് ഏര്പ്പെടുത്തിയ കലണ്ടര് പ്രകാരം ഏപ്രില് 1നായിരുന്നു പുതുവര്ഷാരംഭം. എന്നാൽ ഈ കലണ്ടർ പോപ്പ് ഗ്രിഗറി പതിമൂന്നാമൻ പരിഷ്കരിക്കുകയും ഗ്രിഗേറിയന് കലണ്ടറിൽ ജനുവരി 1 മുതല് പുതിയ വര്ഷം ആരംഭിക്കുമെന്ന് പ്രഖ്യാപിക്കുകയും ചെയ്തു. അങ്ങനെ പുതിയ കലണ്ടറിൽ പുതുവർഷം ആരംഭിക്കുന്നത് ജനുവരി ഒന്ന് മുതലായി.
എന്നാൽ ഈ മാറ്റം അംഗീകരിക്കാൻ വിസമ്മതിച്ച ആളുകൾ ജൂലിയൻ കലണ്ടർ തന്നെ പിന്തുടർന്ന് പോരുകയും ഏപ്രിൽ ഒന്നിന് പുതുവത്സരം ആഘോഷിക്കുന്നത് തുടരുകയും ചെയ്തു. ഇതോടെ, മറ്റുള്ളവർ പുതിയ കലണ്ടർ പിന്തുടരാത്തവരെ വിഡ്ഢികളായി കണക്കാക്കുകയും അവരെ പരിഹസിക്കാനും കളിയാക്കാനും തുടങ്ങി. ഇതാണ് ഏപ്രിൽ 1 വിഡ്ഢിദിനമായി മാറാനുള്ള ഒരു കാരണമായി പറയുന്നത്. മറ്റൊന്ന്, വാര്ത്താ വിനിമയ ഉപാധികള് വളരെ കുറച്ചു മാത്രം ഉണ്ടായിരുന്ന അക്കാലത്ത് കലണ്ടറില് ജനുവരി ഒന്ന് വര്ഷാരംഭം ആയത് പലരും അറിഞ്ഞില്ല എന്നും തുടർന്നും ഏപ്രില് 1 ന് പുതുവത്സരം ആഘോഷിച്ചവരെ മറ്റുള്ളവർ വിഡ്ഢികളെന്ന് കളിയാക്കുകയും ചെയ്തു എന്നതാണ് മറ്റൊരു കഥ. ഇത് മാത്രമല്ല പല രാജ്യങ്ങളിലും പല പേരുകളും വിശ്വാസങ്ങളും ഏപ്രിൽ ഫൂളിനുണ്ട്.
ഏപ്രില് ഒന്നുമായി ബന്ധപ്പെട്ട് ചില സ്ഥലങ്ങളിൽ അന്ധവിശ്വാസങ്ങളും നിലവിലുണ്ട്. സുന്ദരിയായ ഒരു യുവതി ഒരു യുവാവിനെ വിഡ്ഢിയാക്കുന്നുവെങ്കില് അവള് അവനെ വിവാഹം ചെയ്യണം എന്നും കുറഞ്ഞപക്ഷം അവനുമായി നല്ല സൗഹൃദമെങ്കിലും തുടരണമെന്നുമാണ് ചിലർ വിശ്വസിക്കുന്നത്. ഏപ്രില് ഒന്നിന് വിവാഹം ചെയ്താൽ ഭര്ത്താവിനെ ഭാര്യ ഭരിക്കും എന്നതാണ് മറ്റൊരു വിശ്വാസം. ഏപ്രില് ഫൂളിന് ഓരോ ദേശങ്ങളിലും ഓരോ പേരാണ് ഉള്ളത്. ഇംഗ്ലണ്ടിൽ നൂഡി, ജര്മനിയില് ഏപ്രിനാര്, ഫ്രാന്സില് ഏപ്രില് ഫിഷ്, സ്കോട്ലന്ഡില് ഏപ്രില് ഗോക്ക് എന്നിങ്ങനെ പോകുന്നു വിഡ്ഢിദിനത്തിന്റെ പല പേരുകൾ. ഇന്ത്യയില് ബ്രിട്ടീഷുകാരുടെ വരവോടെയാണ് വിഡ്ഢിദിനത്തിന് പ്രചാരം ലഭിച്ചു തുടങ്ങിയത്. ഇന്നത്തെ ഇന്റർനെറ്റ് യുഗത്തിൽ പുതിയ വഴികളാണ് ഏപ്രിൽ ഫൂൾ ആക്കാനായി തിരഞ്ഞെടുക്കുന്നത്. ആളുകൾക്ക് ഒരുപാട് തമാശ പറയാനും ചിരിക്കാനുമുള്ള ഒരു അവസരം കൂടിയായാണ് ഏപ്രിൽ ഫൂൾ ദിനത്തെ ആളുകൾ കണക്കാക്കുന്നത്. ദുഃഖങ്ങൾ മറക്കാനും, പ്രശ്നങ്ങൾ എല്ലാം മറന്ന് ചിരിക്കാനുമുള്ള അവസരം കൂടിയാണ് ഓരോ വിഡ്ഢിദിനങ്ങളും.