ആനയുടെ തലയുടെ രൂപത്തിൽ കൊത്തി വച്ചിരിക്കുന്ന ശിൽപത്തിലൂടെ വരുന്ന ജലം. തീർത്ഥമായി കരുതി അത് കുടിക്കുന്ന ഭക്തർ. വൃന്ദാവനത്തിലുള്ള ബൻകി ബിഹാരി ക്ഷേത്രത്തിൽ നിന്നുള്ള ഈ വീഡിയോ ആണ് ഇപ്പോൾ വൈറൽ. എന്നാൽ ഇത് എസിയിൽ നിന്ന് ഇറ്റുവീഴുന്ന വെള്ളമാണെന്ന് ഒരു യൂട്യൂബർ കണ്ടെത്തിയതോടെ സംഭവം ചർച്ചയാവുകയാണ്.
ഇറ്റുവീഴുന്ന വെള്ളം കുടിക്കാൻ വേണ്ടി ക്യൂ നിൽക്കുകയാണ് ആളുകൾ എന്നതാണ് രസകരമായ മറ്റൊരു കാര്യം. സംഭവത്തിൽ ക്ഷേത്രത്തിന്റെ അധികാരികൾ ഇതുവരെ പ്രതികരിച്ചിട്ടില്ല.
എസി വെള്ളം ‘ചരണാമൃത്’ ആയി കുടിക്കുന്നുവോ? എന്ന അടികുറിപ്പോടെയാണ് ഈ വീഡിയോ പങ്കുവച്ചിരിക്കുന്നത്.
എല്ലാവരും വിദ്യാഭ്യാസമുള്ളവരാണ്, ഭക്തി ആരെയും പറ്റിക്കും എന്നിങ്ങനെയുള്ള കമന്റുകളാണ് എക്സിൽ വീഡിയോയ്ക്ക് താഴെ വരുന്നത്. ‘ഇതൊക്കെയാണ് അന്ധവിശ്വാസം’ എന്നാണ് മറ്റൊരു കമൻറുകൾ. ഒരു ദിവസം പതിനായിരം മുതൽ പതിനയ്യായിരത്തോളം ആളുകൾ എത്തുന്ന ക്ഷേത്രമാണ് ഇത്.