വൈദ്യുതി വയറിംഗിന് ഉപയോഗിക്കുന്ന ഇലക്ട്രിക്കല്‍ ഡിസ്ട്രിബ്യൂഷന്‍ ബോക്‌സില്‍ കേന്ദ്രീകൃത വോള്‍ട്ടേജ് നിയന്ത്രണ സംവിധാനം അടങ്ങിയിട്ടുള്ള സ്റ്റെറ്റ്ബിപ്ലസ് വിപണിയില്‍. കേന്ദ്ര സര്‍ക്കാര്‍ പേറ്റന്റോടെ റിയല്‍ ഗാര്‍ഡ് കമ്പനിയാണ് ഇത് വിപണിയിലെത്തിച്ചിരിക്കുന്നത്. വീട്ടിലെ ടി.വി, ഫ്രിഡ്ജ്, എ.സി, ലാപ്‌ടോപ്, മൊബൈല്‍ ഫോണുകള്‍, ലൈറ്റുകള്‍ തുടങ്ങിയവയ്ക്ക് സംരക്ഷണം ഉറപ്പാക്കാന്‍ സാധിക്കും എന്നതാണ് സ്റ്റെറ്റ്ബിപ്ലസിന്റെ പ്രത്യേകത.
ഓരോ ഗൃഹോപകരണങ്ങള്‍ക്കും വെവ്വേറെ സ്റ്റെബിലൈസറുകള്‍ വാങ്ങുന്നത് ഒഴിവാക്കനും വൈദ്യുതി പാഴാവുന്നത് ഒഴിവാക്കാനും അതുവഴി വൈദ്യുതി ബില്ലിലും ലാഭമുണ്ടാക്കാനും സ്റ്റെബിപ്ലസിന്റെ ഉപയോഗം സഹായികും. സ്റ്റെബിപ്ലസ് ഉപയോഗിക്കുമ്പോള്‍ ഒരു മാസത്തേക്ക് പത്ത് യൂണിറ്റില്‍ താഴെ വൈദ്യുതിയെ ആവശ്യമായി വരുകയുള്ളു.നിലവില്‍ ഇലക്ട്രിക്കല്‍ ഡിസ്ട്രിബ്യൂഷന്‍ ബോക്‌സ് ഉള്ള വീടുകളില്‍ അതുമായി വയര്‍ ചെയ്ത് ഘടിപ്പിക്കാവുന്ന സ്റ്റെബിപ്ലസ് മോഡലും പുതിയ വീടുകള്‍ക്ക് സ്റ്റെബിപ്ലസ് വയര്‍ ചെയ്ത ഡിസ്ട്രിബ്യൂഷന്‍ ബോര്‍ഡുകളും ലഭിക്കും. ഇതില്‍ സിംഗിള്‍ ,ത്രീഫെയ്‌സ് മോഡലുകളും ലഭിക്കും.
സ്റ്റെബിപ്ലസ് വയര്‍ ചെയ്തിട്ടുള്ള ഡിസ്ട്രിബ്യൂഷന്‍ ബോക്‌സില്‍ ഇ.എല്‍.സി.ബി,എം.സി.ബി എന്നിവ ഘടിപ്പിക്കാനുള്ള സാകര്യമുണ്ട്,ഏതെങ്കിലും കാരണവശാല്‍ ഈ ഉപകരണത്തിന് തകരാര്‍ സംഭവിച്ചാല്‍ ഇലക്ട്രിഷ്യന്റെ സഹായമില്ലാതെ തന്നെ ബൈപാസ് ചെയ്യാനുള്ള സ്വിച്ചും ഇതിലുണ്ട്.
ഇന്ത്യയിലും അന്താരാഷ്ട്ര കമ്പനികളിലുമായി 25 വര്‍ഷത്തെ പ്രവര്‍ത്തന പരിചയമുള്ള ബി.ശ്രീകുമാറാണ് റിയല്‍ ഗാര്‍ഡിന്റെ മാനേജിംഗ് ഡയറക്ടര്‍. എല്ലാ ഇലക്ട്രിക്കല്‍, ഇലക്ട്രോണിക്ക് ഉപകരണങ്ങള്‍ക്കും ഒരൊറ്റ സ്റ്റെബിപ്ലസ് വഴി വോള്‍ട്ടേജ് സംരക്ഷണം നല്‍കുന്നത് ഇപ്പോഴുള്ള വോള്‍ട്ടേജ് പ്രശ്‌നങ്ങള്‍ പരിഹരിക്കാനുള്ള ഒറ്റമൂലിയാവും. ഹൈ റൈസ് ഫ്‌ളാറ്റുകള്‍ക്ക് വേണ്ടിയുള്ള മോഡലുകളും വിപണിയില്‍ ലഭ്യമാണ്.