ബാഴ്സലോണയുടെ മുന്നേറ്റത്തിലെ ചാട്ടുളിയായ അര്ജന്റൈന് ഫോര്വേഡ് ലയണല് മെസിയും റയല് മാഡ്രിഡിന്റെ സ്പാനിഷ് ഡിഫന്ഡര് സെര്ജിയോ റാമോസും തമ്മിലെ ശത്രുത കുപ്രസിദ്ധമാണ്. കളിക്കിടെ മെസിയും റാമോസും പലപ്പോഴും കൊമ്പുകോര്ത്തിട്ടുണ്ട്. എന്നാല് അതൊക്കെ ഇനി പഴയകഥയാവും. ഫ്രഞ്ച് ക്ലബ്ബ് പിഎസ്ജിക്കുവേണ്ടി ബൂട്ടുകെട്ടാന് ഒരുങ്ങുകയാണ് മെസിയും റാമോസും. മെസി റാമോസിന് കൈകൊടുക്കുന്നത് കാണാന് കാത്തിരിക്കുകയാണ് ഫുട്ബോള് പ്രേമികള്.