ഇറാൻ വിഷയത്തിൽ അമേരിക്കൻ പ്രസിഡന്‍റ് ഡൊണൾഡ് ട്രംപിന് തിരിച്ചടി. ഇറാനെതിരായ ട്രംപിന്‍റെ യുദ്ധ അധികാരങ്ങൾ വെട്ടികുറയ്ക്കുന്ന പ്രമേയം യു.എസ് ഉപരിസഭയായ സെനറ്റ് പാസാക്കി. 45-നെതിരെ 55 വോട്ടുകൾക്ക് ആണ് പ്രമേയം പാസായത്.
സെനറ്റിലെ എട്ട് റിപ്പബ്ലിക്കൻ പാർട്ടി അംഗങ്ങൾ പ്രമേയത്തെ അനുകൂലിച്ചു. ലാമർ അലക്സാണ്ടർ, ടോഡ് യങ്, മൈക് ലീ, ലിസ മർകോവിസ്കി, സൂസൻ കോളിൻസ്, റാൻഡ് പോൾ, ബിൽ കാസിഡി, ജെറി മോറൻ എന്നിവരാണ് പിന്തുണച്ച അംഗങ്ങൾ.
ആക്രമണത്തിന്‍റെ സാഹചര്യത്തിൽ മാത്രമേ അമേരിക്കൻ പ്രസിഡന്‍റിന് അനുമതിയില്ലാതെ തിരുമാനങ്ങൾ സ്വീകരിക്കാൻ സാധിക്കൂ.