പുരുഷ ടെന്നീസിലെ ഇതിഹാസ താരം സ്വിറ്റ്സര്ലന്ഡിന്റെ റോജര് ഫെഡറര് ഏറെ നാളായി പരിക്കേറ്റ് കോര്ട്ടിന് പുറത്താണ്. കാല്മുട്ടിന് ശസ്ത്രക്രിയയ്ക്ക് വിധേയനായ ഫെഡറര് സമീപകാലത്തെ പ്രധാന ടൂര്ണമെന്റുകളില് നിന്നെല്ലാം ഫെഡറര് വിട്ടുനിന്നിരുന്നു. ഇപ്പോഴിതാ തന്റെ കായികക്ഷമതയെ സംബന്ധിച്ച് ഫെഡെക്സ് തുറന്നുപറയുന്നു.
പരിക്കില് നിന്ന് ഏറെ സൗഖ്യമുണ്ടായിട്ടുണ്ട്. ചിലപ്പോള് കാര്യങ്ങളെല്ലാം പ്രതീക്ഷിച്ചതുപോലെയാവില്ല. എന്നാല് പരിക്കില് നിന്ന് പതിയെ മുക്തനായി വരുന്നു. തിരിച്ചടികളൊന്നുമുണ്ടായിട്ടില്ല. എന്താണ് സംഭവിക്കാന് പോകുന്നുവെന്നതില് ആകാംക്ഷയുണ്ട്. ടെന്നീസ് കോര്ട്ടില് എത്രയും വേഗം തിരിച്ചെത്താമെന്ന് പ്രതീക്ഷിക്കുന്നു. എങ്കിലും ക്ഷമയോടെ കാത്തിരിക്കേണ്ടതുണ്ട്- ഫെഡറര് പറഞ്ഞു.
പുരുഷ ടെന്നീസിലെ ഒരു താരത്തിന് കലണ്ടര് ഗ്രാന്ഡ്സ്ലാം നേടാന് ഇനിയും സാധിക്കുമെന്നും ഫെഡറര് പറഞ്ഞു. ഞാനും റാഫയും നൊവാക്കും കലണ്ടര് ഗ്രാന്ഡ്സ്ലാമിന് വളരെ അരികിലെത്തി. ആ ലക്ഷ്യം നേടാന് കുറച്ചു ഭാഗ്യം വേണമെന്ന് തോന്നുന്നു. കരുത്തും അശ്രാന്ത പരിശ്രമവും വേണം. ഭാവിയില് ഏതെങ്കിലുമൊരു താരത്തിന് കലണ്ടര് ഗ്രാന്ഡ്സ്ലാം സാദ്ധ്യമാകുമെന്നാണ് വിചാരിക്കുന്നതെന്നും ഫെഡറര് കൂട്ടിച്ചേര്ത്തു.