പി വി സിന്ധു 21-9, 11-21, 21-15 എന്ന സ്കോറിന് വാങ് സി യിയെ പരാജയപ്പെടുത്തി സിംഗപ്പൂരിലെ തന്റെ കന്നി കിരീടവും 2022 ൽ കൊറിയ ഓപ്പണിലും സ്വിസ് ഓപ്പണിലും വിജയിച്ചതിന് ശേഷം മൂന്നാം കിരീടവും സ്വന്തമാക്കി. തുടർച്ചയായി 13 പോയിന്റുകൾ നേടിയതുൾപ്പെടെയുള്ള ഓപ്പണിംഗ് ഗെയിം അവസാനിപ്പിക്കാൻ സിന്ധുവിന് വേണ്ടിവന്നത് വെറും 12 മിനിറ്റ് മാത്രം
രണ്ടാം ഗെയിമിൽ കണ്ടത് എതിരാളിയുടെതകർപ്പൻ തിരിച്ചുവരവായിരുന്നു. വേഗതയുള്ള നീക്കങ്ങൾക്ക് മുന്നിൽ സിന്ധു പതറിയപ്പോൾ രണ്ടാം ഗെയിം വാങ് സി യി സ്വന്തമാക്കി. മൂന്നാം ഗെയിം ഇഞ്ചോടിഞ്ച് രീതിയിലാണ് തുടങ്ങിയത്. ഒടുവിൽ സിന്ധു തന്റെ പൂർണ മികവിലേക്ക് ഉയർന്ന് മത്സരം സ്വന്തമാക്കി.
എന്തായാലും 2022 മികച്ച വർഷമാക്കാനുള്ള ഒരുക്കത്തിലാണ് സിന്ധു. വരാനിരിക്കുന്ന ചാംപ്യൻഷിപ്പുകളിൽ മികച്ച പ്രകടനം പുറത്തെടുത്താൽ ഒന്നാം നമ്പർ തിരിച്ചുപിടിക്കാനും താരത്തിന് സാധിക്കും.