കൊറിയ ഓപ്പണ് ബാഡ്മിന്റണ് വനിതാ വിഭാഗത്തില് ഇന്ത്യന് താരം പി.വി സിന്ധു ഫൈനല് കാണാതെ പുറത്ത്. സെമിയില് ദക്ഷിണ കൊറിയയുടെ രണ്ടാം സീഡ് താരം ആന് സിയോങ്ങിനോട് നേരിട്ടുള്ള സെറ്റുകള്ക്കായിരുന്നു സിന്ധുവിന്റെ തോല്വി. തോല്വി. സ്കോര് 21-14, 21-17.
മത്സരം 49 മിനിറ്റ് മാത്രമാണ് നീണ്ടുനിന്നത്. മത്സരത്തിന്റെ തുടക്കം മുതല് തന്നെ കൊറിയന് താരം സിന്ധുവിന് മേല് ആധിപത്യം സ്ഥാപിച്ചാണ് മുന്നേറിയത്. തുടക്കത്തില് തന്നെ 3-0 ന്റെ ലീഡെടുത്തു. ഒരിക്കല് പോലും ഇന്ത്യന് താരത്തെ ലീഡെടുക്കാന് അനുവദിക്കാതെ 14-21 ന് ആദ്യ സെറ്റ് സ്വന്തമാക്കി.
രണ്ടാം സെറ്റില് ഒരു ഘട്ടത്തില് പോയിന്റ് നില 9-9 എന്ന രീതിയില് തുല്യതയിലെത്തിയെങ്കിലും അത് വിജയത്തിലേക്ക് എത്തിക്കാന് ഇന്ത്യന് താരത്തിനായില്ല. തുടരെ പോയിന്റുകള് നേടിയ കൊറിയന് താരം 17-21 ന് സെറ്റും മത്സരവും സ്വന്തമാക്കി. കഴിഞ്ഞ വര്ഷവും രണ്ട് തവണ സിയോങ്ങിനോട് സിന്ധു പരാജയപ്പെട്ടിരുന്നു.
പുരുഷ വിഭാഗത്തില് ഇന്ത്യന് താരം ശ്രീകാന്തും സെമിയില് തോറ്റ് പുറത്തായി. ഏഷ്യന് ഗെയിംസ് ചാമ്പ്യന് ജൊനാഥന് ക്രിസ്റ്റിക്കെതിരെയാണ് താരം പരാജയപ്പെട്ടത്. സ്കോര്- 19-21, 16-21.