ഏഷ്യന് ഗെയിംസിന്റെ ആറാം ദിനം മെഡല്ക്കൊയ്ത്ത് തുടര്ന്ന് ഇന്ത്യ. ഷൂട്ടിംഗില് ഒരു സ്വര്ണവും വെള്ളിയും സ്വന്തമാക്കി. പുരുഷന്മാരുടെ 50 മീറ്റര് റൈഫിള് ത്രീ പൊസിഷന് ടീം ഇനത്തിലാണ് സ്വര്ണം നേടിയത്. സ്വപ്നില് കുശാലെ, ഐശ്വരി പ്രതീപ് സിങ്, അഖില് ഷിയോറാന് എന്നിവരടങ്ങിയ സഖ്യമാണ് സ്വര്ണം നേടിയത്.
വനിതാ വിഭാഗം 10 മീറ്റര് എയര് പിസ്റ്റര് ടീം വിഭാഗത്തില് ഇന്ത്യന് താരങ്ങള് വെള്ളി നേടി. ഇഷ സിങ്, ദിവ്യ ടി.എസ്. പലക് ഗുലിയ എന്നിവരടങ്ങിയ സഖ്യമാണ് വെള്ളി നേടിയത്.
ഇതോടെ ഇന്ത്യയുടെ മൊത്തം മെഡല് നേട്ടം 26 ആയി ഉയര്ന്നു. നിലവില് ഏഴ് സ്വര്ണവും ഒന്പത് വെള്ളിയും 11 വെങ്കലവുമടക്കം 27 മെഡലുകളാണ് ഇന്ത്യയ്ക്കുള്ളത്.
അതേസമയം, ടെന്നീസ് പുരുഷ ഡബിള്സില് ഇന്ത്യ മെഡല് ഉറപ്പിച്ചു. സാകേത് മൈനെനി – രാംകുമാര് രാമനാഥന് സഖ്യം ഫൈനലില് കടന്നതോടെയാണ് ഇന്ത്യ മെഡല് ഉറപ്പാക്കിയത്. ഫുട്ബോളില് പ്രീ ക്വാര്ട്ടറില് കരുത്തരായ സൗദിയോട് എതിരില്ലാത്ത രണ്ട് ഗോളുകള്ക്ക് പരാജയപ്പെട്ട് ഇന്ത്യന് ടീം പുറത്തായി.