അർജന്റീനൻ ഇതിഹാസമായ ഹൂലിയൻ അൽവാരസിന്റെ ട്രാൻസ്ഫർ ആണ് ഇപ്പോൾ ഫുട്ബോൾ ലോകത്ത് ഏറ്റവും വലിയ ചർച്ചയാകുന്നത്. വലിയ തുകയ്ക്കാണ് അൽവാരസ് മാഞ്ചസ്റ്റർ സിറ്റിയിൽ നിന്നും അത്ലറ്റിക്കോ മാഡ്രിഡിലേക്ക് ചേക്കേറുന്നത്. ആകെ 95 മില്യൺ യൂറോയാണ് അവർ താരത്തിന് വേണ്ടി ചെലവഴിക്കുന്നത്. ഇന്ത്യൻ രൂപ 837 കോടിയാണ് വരുന്നത്. നിലവിൽ മാഞ്ചസ്റ്റർ സിറ്റിയുമായും, താരവുമായും അഗ്രിമെന്റിൽ എത്താൻ അത്ലറ്റിക്കോക്ക് കഴിഞ്ഞിട്ടുണ്ട് എന്നാണ് ഇപ്പോൾ ലഭിക്കുന്ന വിവരങ്ങൾ. ഇനി അവശേഷിക്കുന്നത് ഒഫീഷ്യൽ പ്രഖ്യാപനം മാത്രമാണ്.
ഇപ്പോൾ അത്ലറ്റിക്കോ മാഡ്രിഡിന്റെ ഫ്രഞ്ച് സൂപ്പർ താരമായ അന്റോയിൻ ഗ്രീസ്മാൻ അൽവാരസിനെ വെൽക്കം ചെയ്തു കഴിഞ്ഞു. തന്റെ ട്വിറ്ററിലൂടെ മൂന്ന് ഇമോജികളാണ് അദ്ദേഹം പങ്കുവെച്ചിട്ടുള്ളത്. ഹൂലിയൻ ആൽവരസിന്റെ വിളിപ്പേരാണ് സ്പൈഡർ. അതിൽ സ്പൈഡറിന്റെ ഇമോജിയും അദ്ദേഹം കൊടുത്തിട്ടുണ്ട്. കൂടാതെ അത്ഭുതവും സന്തോഷവും പ്രകടിപ്പിക്കുന്ന രണ്ട് ഇമോജികളും അദ്ദേഹം പങ്കുവെച്ചിട്ടുണ്ട്.
2022ൽ ആയിരുന്നു താരം അർജന്റീനൻ ക്ലബ്ബായ റിവർ പ്ലേറ്റിൽ നിന്നും ഹൂലിയൻ ആൽവരസ് മാഞ്ചസ്റ്റർ സിറ്റിയിൽ എത്തിയത്. എന്നാൽ താരത്തിനെ മികച്ച രീതിയിൽ ഉപയോഗിക്കാൻ ടീം മാനേജ്മെന്റിന് സാധിച്ചില്ല. പല പ്രധാന മത്സരങ്ങളും താരം ബെഞ്ചിൽ ആണ് ഇരിക്കുന്നത്. അതിനെതിരെ അൽവാരസ് തന്റെ പ്രതിഷേധവും രേഖപ്പെടുത്തിയിരുന്നു. തുടർന്ന് അദ്ദേഹം ട്രാൻസ്ഫർ മാറി പോകാൻ തീരുമാനിക്കുകയായിരുന്നു.