കേരള ബ്ലാസ്റ്റേഴ്സിന്റെ എക്കാലത്തെയും മികച്ച ഐ എസ് എൽ സീസണായിരുന്നു 2021-22 ലേത്. ഇവാൻ വുകോമനോവിച്ച് എന്ന സെർബിയൻ പരിശീലകന് കീഴിൽ സ്വപ്ന കുതിപ്പ് നടത്തിയ ടീം, ലീഗ് ഘട്ടത്തിൽ നാലാം സ്ഥാനക്കാരായി പ്ലേ ഓഫിലെത്തുകയും പിന്നീട് ഫൈനൽ വരെ എത്തുകയും ചെയ്ത ടീമാണ് ബ്ലാസ്റ്റേഴ്‌സ്. ഫൈനലിൽ കീഴ്താടിയെങ്കിലും ആരാധകർ ആഗ്രഹിക്കുന്ന പ്രകടനം തന്നെയാണ് ബ്ലാസ്റ്റേഴ്സിൽ നിന്ന് സീസണിൽ ഉണ്ടായത്.
എന്തായാലും കഴിഞ്ഞ വർഷം തങ്ങൾക്ക് കഷ്ടിച്ച് നഷ്‌ടമായ ആ കിരീടം നേടിയെടുക്കാൻ തന്നെയാണ് ബ്ലാസ്റ്റേഴ്‌സ് എത്തുന്നത്. അതിനായി ഉള്ള ഒരുക്കം ബ്ലാസ്റ്റേഴ്‌സ് ആരംഭിച്ച് കഴിഞ്ഞിരിക്കുന്നു. തങ്ങളുടെ ഏറ്റവും മികച്ച സീസണിൽ കൂടെ ഉണ്ടായിരുന്ന പല താരങ്ങളെയും അടുത്ത സീസണിലും നിലനിർത്താൻ തന്നെയാണ് ബ്ലാസ്റ്റേഴ്‌സ് തീരുമാനം. എങ്കിലും ബ്ലാസ്റ്റേഴ്‌സ് ആരാധകർക്ക് നിരാശയുണ്ടാക്കുന്ന വാർത്തയാണ് ഇപ്പോൾ പറയുന്നത്.
ഒരുപാട് ആരാധകരുള്ള യുവ സൂപ്പർ താരം വിൻസി ബരറ്റോ ടീം വിടുന്നു. അയൽക്കാരായ ചെന്നൈയിൻ എഫ്‌സിയാണ് ബരറ്റോയെ സ്വന്തമാക്കുന്നതെന്ന് കായിക മാധ്യമമായ ഖേൽ നൗ റിപ്പോർട്ടു ചെയ്തു. റിലയൻസ് ഡെവലപ്മന്റ് ലീഗിലും താരം കളിച്ചിരുന്നു.
കഴിഞ്ഞ സീസണിൽ ബ്ലാസ്റ്റേഴ്സിനായി 14 മത്സരങ്ങളിൽ കളത്തിലിറങ്ങിയ തരാം ഹൈദരബാദിന് എതിരെ നേടിയ മിന്നുന്ന ഗോൾ ആ ക്ലാസ് കാണിക്കുന്നതായിരുന്നു. എന്തിരുന്നാലും പരിശീലകൻ ഇവാൻ കൂടുതൽ മത്സരങ്ങളിലും പകർക്കാരനായിട്ടാണ് താരത്തെ ഇറക്കിയിരിക്കുന്നത്.
അവസരങ്ങളുടെ കുറവ് തന്നെയാണ് ബ്ലാസ്റ്റേഴ്‌സ് വിടാൻ താരത്തെ പ്രേരിപ്പിച്ചത്.