സ്വപ്നങ്ങള് കാണുമ്പോള് ചിലരുടെ മനസ്സ് നിറയെ സാംബാതാളമാണ്.ചിലരാകട്ടെ നീലയും വെള്ളയും കലര്ന്ന പ്രതിഭാസംഘത്തിന്റെ സ്നേഹക്കൂട്ടിലായിരിക്കാം. ഇറ്റലിക്കും ഇംഗ്ലണ്ടിനും ജര്മനിക്കും ഫ്രാന്സിനും സ്പെയിനിനും ഹോളണ്ടിനുമൊക്കെ പിന്തുണ പ്രഖ്യാപിക്കുന്നുവരുണ്ട്. ആര്ക്കും ആരോടും യോജിക്കാം, വിയോജിക്കാം. ലോകകപ്പ് കാലമാകുമ്പോൾ ബ്രസീലിന്റെയും അർജന്റീനയുടെയും തെരുവുകളിലെ പോലെയുള്ള ആവേശം ഇങ്ങ് കൊച്ച് കേരളത്തിലും ദ്യശ്യമാകാറുണ്ട്. കാര്യങ്ങൾ ഇങ്ങനെ ഒക്കെ ആണെങ്കിലും സ്വന്തം രാജ്യത്തിന്റെയും നാടിന്റെയും ടീമിനെ പിന്തുണയ്ക്കാൻ നമ്മളും ആഗ്രഹിച്ചിട്ടുണ്ട്. ഐ.എസ് എൽ അങ്ങനെ ഒരു അവസരം കൊണ്ടുവന്നപ്പോൾ നാം ആ മഞ്ഞകുപ്പായക്കാരെ ഒരുപാട് സ്നേഹിച്ചു. എന്നാൽ ആരാധക പിന്തുണയ്ക്കൊത്ത് ഉയരാൻ സാധിക്കാതെ പല സീസണുകളിലും എല്ലാവരാലും എഴുതി തള്ളപ്പെട്ടു ആ ടീം. ഇന്ന് ഇന്ത്യൻ സൂപ്പർ ലീഗിൽ ചരിത്രത്തിലെ ഏറ്റവും മികച്ച സീസണിലൂടെ കടന്നു പോയപ്പോൾ ആരാധകർ ആ ടീമിനെയോർത്ത് അഭിമാനം കൊള്ളുന്നു .അതെ , കേരളത്തിന്റെ സ്വകാര്യ അഹങ്കാരം – കേരള ബ്ലാസ്റ്റേഴ്സ്.
കഴിഞ്ഞ സീസണിൽ മികച്ച പ്രകടനം നടത്തിയ ടീമിൽ നിന്ന് ഒരുപാട് ആളുകൾ കൂടുവിട്ട് കൂടുമാറിയിരുന്നു. അതിനാൽ തന്നെ ടീമിലേക്ക് ആരോക്കെ വരുമെന്ന് കാണാൻ നോക്കി ഇരിക്കുകയാണ് ആരാധകർ എല്ലാം. ആദ്യ വിദേശ സൈനിങ് ആവേശത്തിന് ശേഷം ഡിഫന്ഡര് വിക്ടര് മൊംഗിലിനെ കേരള ബ്ലാസ്റ്റേഴ്സ് സ്വന്തമാക്കിയിരിക്കുക ആണിപ്പോൾ . വിവിധ പൊസിഷനുകളില് വൈദഗ്ധ്യം തെളിയിച്ച താരവുമായി കരാറിലെത്തിയത് ക്ലബ്ബ് ഔദ്യോഗികമായി പ്രഖ്യാപിച്ചിരിക്കുകയാണ്.
ഏത് പൊസിഷനും വഴങ്ങുന്ന താരത്തെ ടീമിലെത്തിക്കാനായത് ഒരുപാട് മേഖലകളിൽ ബ്ലാസ്റ്റേഴ്സിന് കരുത്താകും. കിരീട ജേതാക്കളായ കൊൽക്കത്ത ടീമിനൊപ്പമായിരുന്നു ഐ.എസ്.എൽ അരങ്ങേറ്റം. ആ സീസണില് കിരീടം നേടിയ എടികെ ടീമിലെ പ്രധാന താരം കൂടിയായിരുന്നു. 2020 സീസണിന് ശേഷം ഡൈനാമോ ടബ്ലീസിയില് ചെറിയ കാലം കളിച്ച വിക്ടര്, 2021ല് ഒഡീഷ എഫ്സിക്കൊപ്പം ഐഎസ്എല്ലില് മടങ്ങിയെത്തുകയും ചെയ്തു. കളത്തിലും പുറത്തുമുള്ള അദ്ദേഹത്തിന്റെ പ്രതിബദ്ധതയ്ക്കും പങ്കിനും അംഗീകാരമായി ഒഡീഷ എഫ്സിയില് അദ്ദേഹം നായകന്റെ ആംബാന്ഡ് അണിഞ്ഞു.
പരിചയസമ്പത്ത് ഏറ്റവും ആഭാഷ്യമായ മിഡ്ഫീൽഡിൽ പ്രതിരോധത്തിനും മുന്നേറ്റത്തിനും ഇടയിലുള്ള ഒരു പാലമായിരിക്കും താരം. എന്തായാലും ട്രാൻസ്ഫർ മാർക്കറ്റിൽ വളരെ ശ്രദ്ധയോടെയാണ് ലാസ്റ്റെർസ് ഒരു ചുവടും വെക്കുന്നത്.