ഇന്ത്യന് പ്രീമിയര് ലീഗില് കഴിഞ്ഞ സീസണുകളില് തകര്ത്തുകളിച്ച റോയ്്കൃഷ്ണയെ എടികെ മോഹന് ബഗാന് പുതിയ സീസണില് തഴഞ്ഞേക്കാന് സാധ്യത. നിലവില് ടീമിന്റെ സ്ട്രൈക്കറായ ഫിജി താരം റോയ് കൃഷ്ണയിലുള്ള താല്പര്യം എടികെ മോഹന് ബഗാന് നഷ്ടമായെന്നു പ്രശസ്ത സ്പോര്ട്സ് കമന്റേറ്ററായ സോഹന് പൊഡ്ഡെറാണ് കഴിഞ്ഞ ദിവസം പുറത്ത് വിട്ടത്. അദ്ദേഹം തന്റെ ട്വീറ്റില് ഇക്കാര്യം വ്യക്തമാക്കുന്നു.
ഈ സീസണില് 15 മത്സരങ്ങളില് നിന്ന് 6 ഗോളുകള് മാത്രമാണ് റോയ് കൃഷ്ണയ്ക്ക് നേടാനായത്. മുന് സീസണുകളില് കാഴ്ച വെച്ച മികവ്് ഇക്കുറി പുറത്തെടുക്കാന് റോയ് കൃഷ്ണക്ക് കഴിഞ്ഞിരുന്നില്ല. 201920 സീസണില് ആദ്യമായി എടികെയില് എത്തിയ റോയ്്കൃഷ്ണ ടീമിനായി മികച്ച പ്രകടനം പുറത്തെടുത്തിരുന്നു. ആദ്യ സീസണില് 15 ഗോളുകളും, 6 അസിസ്റ്റുകളും നേടിയ കൃഷ്ണ, രണ്ടാം സീസണില് 14 ഗോളുകളും, 8 അസിസ്റ്റുകളുമാണ് സ്വന്തമാക്കിയത്.
എടികെ യിലെത്തിയ റോയ് കൃഷ്ണ തുടര്ന്നിങ്ങോട്ട് ടീമിന്റെ അവിഭാജ്യ ഘടകമാണ്. എന്നാല് ഈ സീസണില് ടീമിന് രണ്ടാം സ്ഥാനത്ത് എത്താനേ കഴിഞ്ഞുള്ളൂ എന്ന് മാത്രമല്ല സെമിഫൈനലിലെ ആദ്യപാദത്തില് 3-1 ന് തോല്ക്കുകയും ചെയ്തു. അതുകൊണ്ടു തന്നെ പുതിയ സീസണില് പുതിയ മുന്നേറ്റക്കാരനായി കൊല്ക്കത്ത ശ്രമം ആരംഭിച്ചതായും ഹൈദരാബാദ് എഫ്സിയ്ക്കായി തകര്ത്ത് കളിച്ച നൈജീരിയന് താരം ഓഗ്ബച്ചേയ്ക്ക്് വേണ്ടി ആലോചനകള് നടക്കുന്നതായിട്ടും വിവരമുണ്ട്.
സെമിയില് റോയ്കൃഷ്ണയ്ക്ക് കാര്യമായി ഒന്നും ചെയ്യാനായിരുന്നില്ല. പ്ളേ ഓഫിലേക്ക് കടക്കുന്നതിന് തൊട്ടുമുമ്പത്തെ മത്സരത്തില് ചെന്നിയന് എഫ്സിയെ തോല്പ്പിച്ചപ്പോള് ടീമിന്റെ ഏകഗോള് നേടിയത് റോയ്കൃഷ്ണയായിരുന്നു. നിലവില് ഫിജി താരത്തിലുള്ള താല്പര്യം എടികെ മോഹന് ബഗാന് നഷ്ടമായെന്നാണ് സൂചനകള്.