സ്വപ്‌നങ്ങള്‍ കാണുമ്പോള്‍ ചിലരുടെ മനസ്സ് നിറയെ സാംബാതാളമാണ്.ചിലരാകട്ടെ നീലയും വെള്ളയും കലര്‍ന്ന പ്രതിഭാസംഘത്തിന്റെ സ്‌നേഹക്കൂട്ടിലായിരിക്കാം. ഇറ്റലിക്കും ഇംഗ്ലണ്ടിനും ജര്‍മനിക്കും ഫ്രാന്‍സിനും സ്‌പെയിനിനും ഹോളണ്ടിനുമൊക്കെ പിന്തുണ പ്രഖ്യാപിക്കുന്നുവരുണ്ട്. ആര്‍ക്കും ആരോടും യോജിക്കാം, വിയോജിക്കാം. ലോകകപ്പ് കാലമാകുമ്പോൾ ബ്രസീലിന്റെയും അർജന്റീനയുടെയും തെരുവുകളിലെ പോലെയുള്ള ആവേശം ഇങ്ങ് കൊച്ച് കേരളത്തിലും ദ്യശ്യമാകാറുണ്ട്. കാര്യങ്ങൾ ഇങ്ങനെ ഒക്കെ ആണെങ്കിലും സ്വന്തം രാജ്യത്തിന്റെയും നാടിന്റെയും ടീമിനെ പിന്തുണയ്ക്കാൻ നമ്മളും ആഗ്രഹിച്ചിട്ടുണ്ട്. ഐ.എസ് എൽ അങ്ങനെ ഒരു അവസരം കൊണ്ടുവന്നപ്പോൾ നാം ആ മഞ്ഞകുപ്പായക്കാരെ ഒരുപാട് സ്നേഹിച്ചു. എന്നാൽ ആരാധക പിന്തുണയ്ക്കൊത്ത് ഉയരാൻ സാധിക്കാതെ പല സീസണുകളിലും എല്ലാവരാലും എഴുതി തള്ളപ്പെട്ടു ആ ടീം. ഇന്ന് ഇന്ത്യൻ സൂപ്പർ ലീഗിൽ ചരിത്രത്തിലെ ഏറ്റവും മികച്ച സീസണിലൂടെ കടന്നു പോയപ്പോൾ ആരാധകർ ആ ടീമിനെയോർത്ത് അഭിമാനം കൊള്ളുന്നു .അതെ , കേരളത്തിന്റെ സ്വകാര്യ അഹങ്കാരം – കേരള ബ്ലാസ്റ്റേഴ്സ്.
കഴിഞ്ഞ സീസണിലെ വലിയ വിജയത്തിൽ ഭാഗമായ പല കളിക്കാരും കൂടുമാറിയപ്പോൾ, മറ്റ് ടീമുകൾ വിദേശ താരങ്ങളെ വാങ്ങി കൂടിയപ്പോൾ ആരാധകർ ആഗ്രഹിച്ചിരുന്നു എന്നാണ് നമ്മുടെ ഒരു സൈനിൻ വരുന്നതെന്ന്, അതെ അത് ഇന്നാണ് . ഇന്ത്യൻ സൂപ്പർ ലീഗ് ക്ലബ്ബായ കേരള ബ്ലാസ്റ്റേഴ്സ് എഫ്‌സിയുടെ ആദ്യ സൈനിങ്‌ വിദേശ സ്‌ട്രൈക്കറായ ഗ്രീക്ക്-ഓസ്ട്രേലിയൻ പ്രൊഫഷണൽ ഫുട്‌ബോൾ കളിക്കാരനായ അപ്പോസ്‌റ്റോലോസ് ജിയന്നൗ ഓസ്ട്രേലിയൻ ദേശീയ ഫുട്‌ബോൾ ടീമിനായി മത്സരിക്കുന്നതിന് മുമ്പ് ഗ്രീസ് ദേശീയ ഫുട്‌ബോൾ ടീമുമായുള്ള സൗഹൃദ മത്സരം ഉൾപ്പെടെ വിവിധ ഗ്രീക്ക്, ഓസ്ട്രേലിയൻ യൂത്ത് ദേശീയ ടീമുകളെ അദ്ദേഹം പ്രതിനിധീകരിച്ചു.
ഗ്രീസിനായി അണ്ടർ 19, അണ്ടർ 21 ലെവലിൽ കളിച്ച താരം നിലവിൽ ഓസ്ട്രേലിയൻ ദേശിയ ടീമിന്റെ ഭാഗമാണ്. വിവിധ ക്ലബ്ബുകൾക്കായി 56 ഗോളുകൾ ബെടിയിട്ടുണ്ട്. ഗോൾ അടിപ്പിക്കാനും താരം മിടുക്കനാണ്.
എന്തായാലും വരാനിരിക്കുന്ന ഒരുപാട് സൈനിംഗുകളുടെ തുടക്കമായി ഇതിനെ കാണാം. സ്വാഗതം അപ്പോസ്‌റ്റോലോസ് ജിയന്നൗ.