ഇംഗ്ലീഷ് പ്രീമിയര് ലീഗില് ടോട്ടനം ബണ്ലിയെ 3-0 ന് തകര്ത്തു. ക്ലബ്ബിന്റെ സൂപ്പര് താരം ഹാരി കെയ്ന്റെ ഹാട്രിക്ക് മികവിലാണ് ടോട്ടനട്ടിന്റെ തകര്പ്പന് ജയം. 2017ല് 36-ാം ലീഗ് ഗോള് കുറിച്ച കെയ്ന് ഒരു കലണ്ടര് വര്ഷം ഇംഗ്ലിഷ് പ്രീമിയര് ലീഗില് ഏറ്റവും കൂടുതല് ഗോളുകള് എന്ന നേട്ടത്തില് അലന് ഷിയറര്ക്കൊപ്പമെത്തി.
ടോട്ടനത്തിന്റെ ആദ്യ എവെ വിജയമാണ് ബണ്ലിയെക്കെതിരെ ക്ലബ് സ്വന്തമാക്കിയത്. ഏഴാം മിനിറ്റില് കിട്ടിയ പെനല്റ്റി കിക്കിലൂടെയാണ് കെയ്ന് തുടങ്ങുകയായിരുന്നു. 69-ാം മിനിറ്റില് കെയ്ന് തന്നെ വീണ്ടും ലക്ഷ്യം കണ്ടു. 79-ാം മിനിറ്റില് ഹാട്രിക്കും പൂര്ത്തിയാക്കി.
അതേസമയം മറ്റൊരു മത്സരത്തില് ബോണ്മൗത്തിനെ 4-0 ന് തകര്ത്ത് മാഞ്ചസ്റ്റര് സിറ്റി ലീഗിലെ മുന്നേറ്റം തുടരുകയാണ്. സിറ്റിയുടെ തുടര്ച്ചയായ 17-ാം ജയമാണിത്. രണ്ടാം സ്ഥാനത്തുള്ള മാ?ഞ്ചസ്റ്റര് യുണൈറ്റഡ് ലെസ്റ്റര് സിറ്റിയോട് സമനില വഴങ്ങിയതോടെ ഒന്നാം സ്ഥാനത്ത് സിറ്റിക്ക് 13 പോയിന്റ് ലീഡായി. മൂന്നാം സ്ഥാനത്തുള്ള ചെല്സി എവര്ട്ടനുമായി ഗോളില്ലാതെ പിരിഞ്ഞു.