ചാമ്പ്യന്പട്ടവും എഎഫ്സി യോഗ്യതയും കൈവിട്ടുപോകാതിരിക്കാന് ഇന്ത്യന് സൂപ്പര്ലീഗിലെ നിലവിലെ ചാമ്പ്യ ന്മാരായ മുംബൈസിറ്റി പുതിയ ഗോളടിയന്ത്രത്തെ ഇറക്കുന്നു. കഴിഞ്ഞ സീസണില് നിലവിലെ ഒന്നാം സ്ഥാനക്കാരായ കേരളാബ്ളാസ്റ്റേഴ്സ് ഉള്പ്പെടെയുള്ളവരെ പൊട്ടിച്ച ഗോളടി വീരനെ ജനുവരി ട്രാന്സ്ഫറില് ടീമില് എത്തിച്ചിരിക്കുകയാണ്.
കഴിഞ്ഞ സീസണില് ഒഡീഷ എഫ്സി യുടെ മുന്നേറ്റനിരയില് ഗോളടിച്ചുകൂട്ടിയ ബ്രസീലിയന് താരം ഡീഗോ മൗറീഷ്യോയെയാണ് മുംബൈസിറ്റി ഒപ്പം കൂട്ടിയിരിക്കുന്നത്. കഴിഞ്ഞ സീസണില് ഒഡീഷയ്ക്കായി 20 കളിയില് നിന്നും 12 ഗോളുകള് അടിക്കുകയും രണ്ട് അസിസ്റ്റുകള് നടത്തുകയും ചെയ്ത താരമാണ് ഡീഗോ മൗറീഷ്യോ.
ഖത്തറിലെ രണ്ടാം ഡിവിഷന് ക്ലബ്ബായ അല് ഷഹാനിയയില് നിന്നുമാണ് താരത്തിന്റെ വരവ്. ഖത്തര് ക്ലബ്ബിനായി ഒമ്പതു കളിയില് എട്ടു ഗോളുകള് അടിച്ചാണ് ഇന്ത്യന് ലീഗില് എത്തുന്നത്. ഹൃസ്വകാലത്തേക്ക് വായ്പാ അടിസ്ഥാനത്തില് എത്തുന്ന താരം ഇനിയുള്ള മത്സരങ്ങളില് കളിക്കും. ഈ സീസണ് കളിക്കാനായി ലോണില് മുംബൈ കൊണ്ടുവന്ന മുന്നേറ്റക്കാരനായ മറ്റൊരു ബ്രസീലിയന് താരം യിഗോര് കട്ടാട്ടുവിനെ മാതൃക്ലബ്ബ് മധുരേരയ്ക്ക് മടക്കിനല്കിയാണ് മൗറീഷ്യോയെ കരാര് ചെയ്തിരിക്കുന്നത്.