മുകേഷ് അംബാനിയുടെ റിലയൻസ് ഗ്രൂപ് ചരിത്രം സൃഷ്ടിക്കാൻ ഒരുങ്ങുന്നു. നിലവിലെ ഉടമസ്ഥരായ ഫെൻവേ സ്പോർട്സ് ഗ്രൂപ്പ് (എഫ്എസ്ജി) ചരിതമുറങ്ങുന്ന ലിവർപൂൾ വിൽപനയ്ക്ക് വെച്ചതിന് ശേഷം ലോകത്തെ എട്ടാമത്തെ ധനികനായ മുകേഷ് അംബാനി ലിവർപൂളിനെ ഏറ്റെടുക്കാനുള്ള ശ്രമത്തിലാണെന്നാണ് പുറത്തുവരുന്ന റിപോർട്ടുകൾ. ലോകത്തിലെ കോടീശ്വരന്മാരുടെ പട്ടികയിൽ മുന്നിലുള്ള അംബാനി മുമ്പും ലിവർപൂളിന്റെ ഏറ്റെടുക്കുന്നത്തിൽ താത്പര്യം കാണിച്ചിരുന്നു.
ഒരുപാട് ബിസിനസ് ഗ്രൂപ്പുകൾ ഇത്തരത്തിൽ ലിവർപൂൾ ഏറ്റെടുക്കുന്നതുമായി ബന്ധപ്പെട്ട് മുന്നോട്ട് വന്നിട്ടുണ്ടെങ്കിലും ലിവർപൂൾ ഉടമകൾക്ക്ക് അംബാനി മുന്നോട്ട് വെച്ച ഓഫ്ഫറിനോടാണ് താത്പര്യമെന്നാണ് റിപോർട്ടുകൾ കാണിക്കുന്നത്.
65 കാരനായ അദ്ദേഹം ഒരു വലിയ കായിക ആരാധകനാണെന്ന് ഏവർക്കും അറിയാവുന്നതാണ്. കൂടാതെ ഐപിഎൽ ക്രിക്കറ്റ് ടീമായ മുംബൈ ഇന്ത്യൻസിന്റെ ഉടമയാണ്. ഇന്ത്യൻ സൂപ്പർ ലീഗ് സ്ഥാപിച്ചതിൽ വലിയ പങ്ക് വഹിച്ചു. മറ്റ് ലോകോത്തര ടീമുകളുമായി താരതമ്യപ്പെടുത്തുമ്പോൾ മാർക്കറ്റിൽ പണം വാരി എറിയാൻ പറ്റാത്ത ലിവർപൂളിന് അംബാനിയെ പോലെ ഒരു ആൾ വരുന്നത് ഗുണം ചെയ്യും.