ഐഎസ്എല്ലില്‍ നിര്‍ണായക മത്സരത്തില്‍ കേരള ബ്ലാസ്റ്റേഴ്സ് ഇന്ന് ഡല്‍ഹി ഡൈനാമോസിനെ നേരിടും. നാലാം ജയം ലക്ഷ്യം വെച്ചിരങ്ങുന്ന ബ്ലാസ്റ്റേഴ്സ് ടീമിനെ പ്രഖ്യാപിച്ചു. മൂന്നു വിദേശ താരങ്ങള്‍ മാത്രമാണ് ടീമില്‍ ഇടം പിടിച്ചിരിക്കുന്നത് . അതേസമയം, പരുക്കിന്റെ പിടിയിലായ റിനോ ആന്റോയും സൂപ്പര്‍താരം ദിമിറ്റര്‍ ബെര്‍ബറ്റോവ് ഈ മത്സരത്തിലും കളിക്കുന്നില്ല. മലയാളി താരം കെ പ്രശാന്ത് ആദ്യ ഇലവനിലെത്തിയതാണ് ടീമിലെ പ്രധാനമാറ്റം.
വെസ് ബ്രൌണ്‍, ഇയാന്‍ ഹ്യൂം, കറേജ് പെക്കുസണ്‍ എന്നിവരാണ് ടീമിലെ വിദേശസാന്നിധ്യങ്ങള്‍. ജംഷഡ്പൂരിനെതിരായ മത്സരത്തില്‍ നിരാശപ്പെടുത്തിയ മുന്നേറ്റതാരം കരണ്‍ സാഹ്നി വീണ്ടും ടീമില്‍ ഇടംപിടിച്ചു. പുതുതായി ടീമിലെത്തിയ ഐസ്ലാന്‍ഡ് സ്‌ട്രൈക്കര്‍ ഗുഡ്‌ജോണ്‍ ബാല്‍ഡ്വില്‍സണ്‍ പകരക്കാരുടെ ലിസ്റ്റിലുണ്ട്. ഇന്ത്യന്‍ താരം സുഭാശിഷ് റോയിയാണ് ഡല്‍ഹിക്കെതിരെ ബ്ലാസ്റ്റേഴ്‌സിന്റെ ഗോള്‍വല കാക്കുന്നത്. മധ്യനിരയില്‍ കറേജ് പെക്കൂസന്‍, മിലന്‍ സിങ്, ജാക്കിചന്ദ് സിങ്, സി.കെ. വിനീത് എന്നിവര്‍ അണിനിരക്കും. സന്ദേശ് ജിങ്കാന്‍, വെസ് ബ്രൗണ്‍, ലാല്‍റുവാത്താര എന്നിവര്‍ക്കൊപ്പം കെ.പ്രശാന്ത് പ്രതിരോധം കാക്കും. കരണ്‍ സാഹ്‌നിയാണ് ഇയാന്‍ ഹ്യൂമിനൊപ്പം മുന്നേറ്റത്തില്‍ കളിക്കുക.
ബ്ലാസ്റ്റേഴ്സ് ടീം: സുഭാശിഷ് റോയ് (ഗോള്‍കീപ്പര്‍), സന്ദേശ് ജിങ്കന്‍, വെസ് ബ്രൌണ്‍, ലാല്‍റുവാത്തര, മിലന്‍ സിംഗ്, കറേജ് പെക്കുസണ്‍, ജാക്കിചന്ദ് സിംഗ്, കെ പ്രശാന്ത്, സി കെ വിനീത്, കരണ്‍ സാഹ്നി, ഇയാന്‍ ഹ്യൂം.
ഡല്‍ഹി ഡൈനാമോസ് ആദ്യ ഇലവന്‍- അര്‍ണാബ് ദാസ് ശര്‍മ, പ്രതീക് ചൗധരി, പ്രീതം കോട്ടാല്‍, ഗബ്രിയേല്‍ സിസേറോ, ലാലിയന്‍സുവാല ചാങ്‌തെ, മൂണ്‍മുണ്‍ ലൂഗുന്‍, മത്തിയാസ് മിറാബാജെ, പൗളിനോ ഡയസ്, റോമിയോ ഫെര്‍ണാണ്ടസ്, സെയ്ത്യാസെന്‍ സിങ്, കാലു ഉച്ചെ.