റെനെ മ്യൂലന്സ്റ്റീന് പകരക്കാരനായി കേരള ബ്ലാസ്റ്റേഴ്സ് കപ്പിത്താനായി ചുമതലയേറ്റ ശേഷം വമ്പന് മുന്നേറ്റമാണ് ടീം നടത്തുന്നത്. ഇന്ത്യന് സൂപ്പര് ലീഗില് തുടര്ച്ചയായി രണ്ട് എവേ മത്സരങ്ങളില് ജയിച്ച കേരള ബ്ലാസ്റ്റേഴ്സ് ജെയിംസിന്റെ കീഴില് ഇതുവരെ തോല്വി അറിഞ്ഞിട്ടില്ല. കാര്യങ്ങളെല്ലാം ആരാധകര് പ്രതീക്ഷിച്ച പോലെ പോയിക്കൊണ്ടിരിക്കുമ്പോഴാണ് ഒരു വീഡിയോ വൈറലായിക്കൊണ്ടിരിക്കുന്നത്.
ഡേവിഡ് ജെയിംസ് മലപ്പുറത്ത് ഒരു ഓട്ടോയില് വന്നിറങ്ങുന്ന വീഡിയോയാണ് കിടിലന് ബിജിഎമ്മും മറ്റും നല്കി റോസ്ലാന്ഡ് പട്ടര്കുളം എന്ന യൂട്യൂബ് ചാനല് പുറത്തിറക്കിയിരിക്കുന്നത്. മലപ്പുറം രജിസ്ട്രേഷനിലുള്ള ഓട്ടോയാണ് വീഡിയോയില് കാണുന്നത്. അതേസമയം, ജെയിംസ് കേരള ബ്ലാസ്റ്റേഴ്സിന്റെ ആദ്യ സീസണിലെത്തിയപ്പോള് എടുത്ത വീഡിയോ ആണിതെന്നും പറയപ്പെടുന്നു. എന്തായാലും മലപ്പുറം ട്രോള് പേജ് ഈ വീഡിയോ അടിസ്ഥാനമാക്കി ഒരു ട്രോളും തയാറാക്കി. ഇതോടെ ഫുട്ബോള് ഭ്രാന്തന്മാരായ മലപ്പുറത്തുകാര് വീഡിയോ ഏറ്റെടുത്തു.
https://www.youtube.com/watch?time_continue=35&v=KYqv98Pzv-k
നരസിംഹം സിനിമയിലെ മോഹന്ലാലിന്റെ ഡയലോഗും ഗ്രേറ്റ് ഫാദറിന്റെ പശ്ചാത്തല സംഗീതവുമാണ് ജയിംസിന്റെ വീഡിയോയ്ക്ക് ഒപ്പം നല്കിയിരിക്കുന്നത്.