കുഞ്ഞാലി അനസ്
സത്യം പറഞ്ഞാല് മഞ്ഞപട ഫാന്സിനു കര്മ കിട്ടിയതാണെന്ന് പറയേണ്ടി വരും…. ടിക്കറ്റ് എടുക്കാന് ഓണ്ലൈനില് തപ്പിയാല് സോള്ഡ് ഔട്ട്.. എന്തും വരട്ടെ ഗോവയില് മലയാളികള് ആരെങ്കിലും ടികെറ്റ് തരാതിരിക്കില്ല എന്ന വിശ്വാസത്തോടെ വണ്ടി കയറി.. അവിടെ ചെന്നപ്പോ മലയാളികള് തന്നെ നമ്മളെ മൂഞ്ചിക്കുന്ന അവസ്ഥ.. 99 രൂപയുടെ ടിക്കറ്റ് ബ്ലാക്കില് വില്ക്കുന്നത് 3000 നും 2000നുമൊക്കെ.. കൂടുതലും കോഴിക്കോട് കാസര്കോട് മലപ്പുറം ഒക്കെ ഉള്ള ആളുകള് ആണ് ഈ പണി ചെയ്യുന്നത്..
സത്യമാണ് പ്രേത്യേകം ആരെയും അറിഞ്ഞുകൊണ്ട് പറയുന്നതല്ല.. അ ക്യാഷ് കൊടുത്തു കൊറേ പാവങ്ങള് വഞ്ചിക്കപ്പെട്ടിട്ടുമുണ്ട്.. ഞങ്ങള് അങ്ങനെ അന്വേഷിച്ചു അന്വേഷിച്ചു അവസാനം എറണാകുളം ഭാഗത്തുള്ള ഒരാളെ കണ്ടുമുട്ടി.. അങ്ങനെ ടിക്കറ്റ് ഫ്രീ ആയി കിട്ടി.. അകത്തു കയറിയപ്പോ അതിലും വലിയ തമാശ.. ഫുള് സോള്ഡ് ഔട്ട് ആയ ഗാലറിയില് 50% സീറ്റിലും ആളില്ല അപ്പൊ ആ ടിക്കറ്റ് ഒക്കെ എവിടെ പോയാവോ..
ഇനി മഞ്ഞപ്പടയിലേക്ക് വരാം.. കളി തുടങ്ങുന്നതിനു മുന്നേ ഹൈദരാബാദ് ടീം വാമപ്പ് ചെയ്യുന്നതുമുതല് തുടങ്ങി.. ‘ഫക്ക് ഓഫ് ഹൈദരാബാദ് വിളി’.. കൂട്ടത്തില് കുറച്ചു റഫറിക്കും കൊടുത്തു.. പക്ഷെ ആ വിളി കളിയുടെ 88 മിനിറ്റ് വരെ നീണ്ടു നിന്നൊള്ളു.. മാന്യത വേണ്ടേ അളിയാ.. അപ്പോള് പറയും ബാംഗ്ളൂരില് ബ്ലാസ്റ്റേഴ്സ്നേ ഇങ്ങനെ ചെയ്തിട്ടുണ്ടെന്ന്.. പക്ഷെ അത്രക്കും തരം താഴരുതായിരുന്നു മഞ്ഞപ്പട.
ഫൈനല് ആണ്, കാര്യങ്ങള് എപ്പോ വേണേലും മാറി മറിയാം.. തലച്ചോറുള്ളവര്ക്ക് മനസ്സിലാവും.. എന്നിട്ടും തീര്ന്നില്ല.. പെനാല്റ്റി എടുക്കുമ്പോ ഒരുതല് ആ കൂട്ടത്തില് നിന്നും വിളിച്ചു പറയാ.. നമ്മള് പെനാല്റ്റി എടുക്കുമ്പോ കയ്യടിച്ചു പ്രോത്സാഹിപ്പിക്കണം അവര് പെനാല്റ്റി എടുക്കുമ്പോ കൂവണം.. കൂവി.. മൂഞ്ചി… ഫുട്ബോള് എന്ന കളിയെ സ്നേഹിക്കുന്നവര്ക്ക് ഇത്തരം കാര്യങ്ങള് അരോചകമാണ്..
കടപ്പാട്: ഫുട്ബോള് മാനിയ