ഏതാനും ദിവസങ്ങള്ക്ക് ശേഷം വീണ്ടും തുടങ്ങിയ ഇന്ത്യന് സൂപ്പര്ലീഗ് ഫുട്ബോളില് വിജയം തിരിച്ചുപിടിച്ച് ഒഡീഷാ എഫ്സി. നോര്ത്തീസ്റ്റ് യുണൈറ്റഡിനെ ഏകപക്ഷീയമായ രണ്ടുഗോളുകള്ക്ക് കീഴടക്കി ഒഡീഷാ എഫ്സി ശക്തമായി തിരിച്ചുവന്നു. ഇന്ത്യന് താരം ഡാനിയേല് ലാല്ലിംപുയയും വിദേശതാരം അരിടാന ഭായ് യും നേടിയ ഗോളുകള്ക്കായിരുന്നു ജയം.
ആദ്യപകുതിയില് ഒഡീഷ നടത്തിയ മുന്നേറ്റങ്ങള്ക്ക് രണ്ടാം പകുതി നോര്ത്തീസ്റ്റ് ശക്തമായി തിരിച്ചടിച്ചെങ്കിലും ഗോള് മടക്കാനായില്ല. ഒരു ഗോള് തിരിച്ചടിക്കാനായി എങ്കിലും ഓഫ്സൈഡായി മാറി. കോവിഡിന്റെ ഭീഷണിയില് മൂന്ന് മത്സരങ്ങളോളം മാറ്റി വെച്ച ശേഷമായിരുന്നു ഇന്ത്യന് സൂപ്പര്ലീഗില് കളി വീണ്ടും തുടങ്ങിയിരിക്കുന്നത്.
ഈ മത്സര ജയത്തോടെ 16 പോയിന്റുമായി അഞ്ചാം സ്ഥാനത്തേക്ക് ഉയര്ന്നു. നോര്ത്തീസ്റ്റ് ഒമ്പതു പോയിന്റുമായി പത്താമത് തന്നെയാണ്. മുന് ചാംപ്യന്മാരായ മൂംബൈസിറ്റി അഞ്ചാം സ്ഥാനത്തേക്ക് വീഴുകയും ചെയ്തതോടെ ലീഗ് കൂടുതല് ആവേശകരമായി മാറുകയാണ്. ഇനിയുള്ള ഓരോ മത്സരവും നിര്ണ്ണായകമാണ്.